ගම්පහ, වැලිවේරිය ප්රදේශයේ කුලියට නවාතැන්පොළවල් ලබාදෙන ස්ථානයක හිමිකාරිනිය අත් පා බැඳ ගෙල මිරිකා ඝාතනයක් සම්බන්ධයෙන් පොලිසිය විසින් සොයමින් සිටි ස්පා ආයතනයක සේවය කළ 22 හැවිරිදි තරුණිය බැලුම්මහර ප්රදේශයේ දී අත් අඩංගුවට ගැනීමට පොලිසිය සමත් වී ඇත.
පොලිසියට කට්ටි පනිමින් සිටි මෙම තරුණිය සොයා ගැනීම සඳහා පසුගිය වකවානුව පුරාම ගම්පහ සහ කොළඹ සම්බාහන ආයතන සහ ස්පා ආයතන සෝදිසි කිරීමට ද පොලිසිය කටයුතු කර තිබිනි.
මරා දැමුණු කාන්තාව සතු ගෙල බැඳි රන් මාලය සහ අත් පලඳනාව පැහැරගෙන මෙම තරුණිය පලා ගොස් තිබිණි.
සිද්ධියෙන් ඝාතනය වන්නේ වැලිවේරිය, ඇඹරලුව දකුණ, වීර මාවතේ පදිංචිව සිටි කන්දෙගෙදර මාගම්රාලලාගේ මංගලිකා නමැති 57 වියේ පසුවූ කාන්තාවකි.
සිය නිවෙසේ තනිවම වූ කාන්තාව නිවෙසේ කාමර දෙකක් ජෝඩු දෙකකට කුලියට ලබාදී තිබූණු අතර එක් කාමරයක රැඳී සිටි මෙම ස්පා තරුණිය සහ ඇය සමග ජීවත් වූ පිරිමි පුද්ගලයා මෙම ඝාතනයට සම්බන්ධ වී තිබිණි.
ඝාතන සිද්ධිය අනාවරණය වීමත් සමග මෙම යුවල පලා යන්නට උත්සාහ කර තිබිණි. ස්පා තරුණිය පලා යද්දී එම තරුණිය සමඟ එම කාමරයේ රැඳී සිටි පිරිමි පුද්ගලයා එම නිවෙස අවට පදිංචිකරුවන් විසින් අල්ලා වැලිවේරිය පොලිසියට භාරදී තිබිණි.
පිරිමි පුද්ගලයා මෙම දැන හඳුනාගෙන ඇත්තේ ස්පා ආයතනය වෙත ගිය දිනයකදී බවත් එම දැන හැඳුනුම මත ඇරැඹි ප්රේම සබඳතාව අවසන් වී ඇත්තේ කාමරයක් ගෙන මෙලෙස එකට ජීවත්වීමෙන් පසුව බවත් පොලිසිය කීය. ඔහු එම තරුණිය සම්බන්ධව වෙන කිසිවක් දැනගෙන සිටියේත් නැත.
කෙසේ වෙත්තඊයේ ඇය අත් අඩංගුවට පත් වන්නේ අයිස් ග්රැම් 05ක් සහ මිලි ග්රැම් 600ක් සන්තකයේ තබාගෙන සිටිය දි බව පොලිසිය පවසයි.
අත් අඩංගුවට ගත් සැකකාරිය කලුබෝවිටියාන ප්රදේශයේ පදිංචිකාරියකි.
