ආණ්ඩුවට එරෙහිව සමගි ජනබලවේගය පාර්ලිමේන්තුවට ඉදිරිපත් කර තිබූ විශ්වාසභංගය නුදුරු දිනයකදී පාර්ලිමේන්තුවට ඉදිරිපත්කරන බවත් එය අකුලා ගැනීමේ කිසිම තීරණයක් නැති බවත් සමගි ජන බලවේගයේ නායක සහ විපක්ෂ නායක සජිත් ප්රේමදාස ලංකාසරට පැවසීය.
ඔහු මේ බව ප්රකාශ කළේ විශ්වාසභංගය අකුලා ගැනීම සම්බන්ධව පක්ෂ අභ්යන්තර විශ්වාසකටයුතු ආරංචි මාර්ග හෙළි කළ තොරතුරු ලංකාසර වාර්තා කිරීමත් සමගය.
විශ්වාසභංගය ඉදිරිපත් කරන දිනය කවදාදැයි විමසූ විට එය නුදුරු දිනයක දී පක්ෂ විපක්ෂ සියලු දෙනාගේ අනුමැතිය ඇතිව පාර්ලිමේන්තුවට ඉදිරිපත් කරන බවත් අත්සන් ගැනීමේ කටයුතු සාර්ථකව කරගෙන යන නමුත් ඊට අත්සන් කළ පාර්ශව දැනට හෙළි කළ නොහැකි බවත් වැඩිදුරත් ප්රකාශ කළේය.
දැනට කිව හැක්කේ මෙම විශ්වාසභංගය කිසිසේත් හකුලා ගැනීමේ අදහසක් නැති බව යැයි ඔහු පැවසුවේය.
කෙසේ වෙතත් විපක්ෂයේ සෙසු පක්ෂ සමග මේ වනවිටත් විශ්වාසභංගය සම්බන්ධව සාධනීය එකඟතාවයක් ගොඩනැගී නැති බව අභ්යන්තර ආරංචි මාර්ග තහවුරු කළේය.
කියවන්න…
