ඊයේ (09) රාත්රියේ දී දෙහිවල මුහුදු මාවත ප්රදේශයේ පිහිටි හෝටලයක හිමිකරුවකු ඝාතනය කිරීම, සංවිධානාත්මක අපරාධ කල්ලි බඩෝවිට අසංකගේ කල්ලිය සහ චූවා සමන්තගේ කල්ලියේ සාමාජිකයින් දෙපිරිසක් අතර ඇති වූ ගැටුමක ප්රතිඵලයක් බව සිදුකළ මූලික විමර්ශනවලදී තොරතුරු ලැබි ඇති බව විමර්ශන අංශ පවසයි.
ඊයේ (09) රාත්රී 9.10ට පමණ සිදුකළ මෙම වෙඩි තැබීමේදී වෙඩි පහර හෝටල් හිමිකරුගේ හිසට එල්ල වි තිබුණු අතර ඔහු කළුබෝවිල ශික්ෂණ රෝහලට ඇතුළත් කිරීමෙන් පසු මිය ගියේය.
ඒ මේ වසරේ පතාල කල්ලි අතර ඇතිවූ වෙඩි හුවමාරුවලින් ඝාතනය වුන දෙවැනි පුද්ගලයා ලෙසය.
ඝාතනය වී ඇත්තේ සනා මාමා ලෙසින් හඳුන්වන දෙහිවල ප්රදේශයේම පදිංචි සනත් බාලසූරිය ආරච්චි නැමැත්තෙකි.
හෝටලය තුළ මත් පැන් පානය කරන පුද්ගලයින් දෙදෙනෙක් ලෙස සිටි ඝාතකයා සහ පැදිකරු සිය ඉලක්කය ලබාගෙන යතුරුපැදියකින් පලා ගොස් තිබේ.
ඝාතනය වූ පුද්ගලයා සංවිධානාත්මක අපරාධ කල්ලි මෙහෙයවන්නෙක් මෙන්ම මත්ද්රව්ය ජාවාරම්කරුවෙකු ලෙස සැලකෙන “චූවා සමන්ත” නමැත්තාගේ සමීපතමයෙකු බව මේ වනවිට අනාවරණය වී ඇතැයි විමර්ශන අංශ පවසයි.
තවත් සංවිධානාත්මක අපරාධ කල්ලි මෙහෙයවන්නෙක් සහ මත්ද්රව්ය ජාවාරම්කරුවෙකු වන “බඩෝවිට අසංක” සහ “චූවා සමන්ත” අතර දිගු කාලයක් තිස්සේ මත්ද්රව්ය ජාවාරම් සම්බන්ධයෙන් ගැටුමක් පවතින බවත් මේ ඝාතනය බඩෝවිට අසංකගේ කණ්ඩායම විසින් සිදුකරන්නට ඇතැයි සැක පහළ කරන බවත් විමර්ශකයෝ සැක පහළ කරති.
ඝාතනයට ලක්වූ ඒ.ඩී. සනත් හෙවත් “සනා මාමා” නමැත්තාට මෙයට පෙර ජීවිත තර්ජනයක් ලැබී නොතිබූ බවද පොලීසිය පවසයි.
සිද්ධිය සම්බන්ධයෙන් දෙහිවල පොලීසිය විසින් වැඩිදුර විමර්ශන සිදු කරමින් ඇත.
