දුම්රිය රියදුරන් විසින් ඊයේ (24) ක්රියාත්මක කළ වෘත්තීය ක්රියාමාර්ග හේතුවෙන් අද දින ධාවනයට නියමිතව තිබූ දුම්රිය ගමන් වාර 65ක් අවලංගු කිරීමට සිදුවී ඇතැයි දුම්රිය දෙපාර්තමේන්තු ආරංචි මාර්ග කියයි.
ඔවුන් සේවයෙන් ඉවත් වී සිදුකල විරෝධතාවය නිසා කැළණිවැලි මාර්ගයේ දුම්රිය ගමන් වාර 04 ක් ද , පුත්තලම් මාර්ගයේ දුම්රිය ගමන් වාර 08 ක් ද, මුහුදුබඩ මාර්ගයේ ගමන් වාර 16 ක් ද, උතුරු මාර්ගයේ 01 ගමන් වාරයක් ද, ප්රධාන මාර්ගයේ දුම්රිය ගමන් වාර 36 ද මෙසේ අවලංගු වී තිබේ.
දුම්රිය රියදුරු සංගමය වැඩ වර්ජනයෙන් අද සවස 3ට පමණ ඉවත් වීමට තීරණය කරනු ලැබුව ද සවස ධාවනයට නියමිතව තිබු ගමන් වාර 18 කට ආසන්න ප්රමාණයක් අවලංගු වූයේය.
එමෙන්ම සවස ධාවනය වූ දුම්රිය ප්රමාද වීම් සහිතව හා අවලංගු වීම් සහිතව ධාවනය විය.
