අමායා උඩුවැරැල්ල –
ගැඹුරු මුහුදෙන් නව සත්ව විශේෂ 100ක් සොයාගැනීමට විද්යාඥයන් පිරිසක් සමත් ව තිබෙනවා.
පසුගිය ජනවාරි මාසයේදී විද්යාඥයින් පිරිසක් චිලී හි වෙරළට ඔබ්බෙන් වූ දිය යට කඳු වැටි ගවේෂණය කිරීම සඳහා Schmidt Ocean Institute හි පර්යේෂණ යාත්රාවක් වන Falkor යොදාගෙන තිබුණා. චිලී කතෝලික විශ්වවිද්යාලය උතුර (Universidad Católica del Norte) හි ආචාර්ය Javier Sellanes ප්රමුඛ කණ්ඩායමට අවශ්ය වී තිබුනේ අඩුවෙන් ගවේෂණයට ලක්වෙන මුහුදු කඳුවල ජෛව විවිධත්වය අවබෝධ කර ගැනීමයි.
ඔවුන් මුහුදු කඳු පිළිබඳව සවිස්තරාත්මක තොරතුරු ලබා ගැනීම සඳහා දුරස්ථව ක්රියාත්මක මල්ටිබීම් සෝනාර්, රොබෝ තාක්ෂණය සහ අනෙකුත් සංවේදක වැනි අති නවීන තාක්ෂණය භාවිතා කර තිබුණා.
ඒ අනුව මාසයකට අඩු කාලයක් තුළ දී ගවේෂණ කටයුතු මඟින් ගැඹුරු මුහුදේ වාසය කරන සත්ව විශේෂ 100 කට ආසන්න ප්රමාණයක් අලුතින් සොයා ගන්නට මේ පර්යේෂක කණ්ඩායම සමත් වුනා. මේ සොයාගැනීම සඳහා විද්යාඥයින් යොදාගෙන තිබුනේ අඩි 14000 කට වඩා කිමිදිය හැකි රොබෝවරයෙක්.
එසේම මින් පෙර හඳුනා නොගත් කොරල්පර ඇතුළු තවත් බොහොමයක් සොයාගෙන ඇති බව වාර්තා වනවා. බොහෝ කිමිදුම් සිදු ව තිබුනේ සමුද්ර ආරක්ෂිත ප්රදේශයක යි. කණ්ඩායම විසින් මීටර් 4,500 ක් දක්වා ගැඹුරේ ඇති මුහුදු කඳු දහයකින් සාම්පල සහ දත්ත රැස් කර තිබෙනවා.
ඔවුන් සාගර පත්ලේ වර්ග කිලෝමීටර 52,000 කට වඩා වැඩි ප්රමාණයක දත්ත වාර්තා කිරීමට දිය යට සිතියම්කරණ තාක්ෂණය භාවිතා කර තිබෙන අතර, එම ක්රියාවලියේදී නව මුහුදු කඳු හතරක් සොයා ගෙන තිබෙනවා.
ආචාර්ය Sellanes මාධ්ය වෙත අදහස් දක්වමින්, බලාපොරොත්තු වූවාට වඩා ඉතාමත් හොඳ ප්රතිඵල ලැබීම සම්බන්ධයෙන් සතුටු වන බව පවසා තිබෙනවා. නිරීක්ෂණය කරන ලද නව විශේෂයන් නිල වශයෙන් හඳුනා ගැනීම සඳහා විද්යාඥයින් සහ ඔවුන්ගේ කණ්ඩායම ජාන විද්යාව සහ වෙනත් ක්රම භාවිතා කරමින් වෙහෙස වන අතර එම කලාපය දිගටම ගවේෂණය කිරීම සඳහා තවත් ගවේෂණයක් දැනටමත් ක්රියාත්මක වෙමින් පවතිනවා.
