මනම්පිටිය නිමල් ජයරත්න –
පාසල් වාර්ෂික ක්රීඩා උත්සව පැවැත්වීම සඳහා අධ්යාපන අමාත්යංශයෙන් මෙන්ම උතුරු මැද පළාත් ක්රීඩා අමාත්යංශයෙන් අවසර දී තිබුණද, දිඹුලාගල අධ්යාපන කලාපයේ පාසල්වල පමණක් වාර්ෂික ක්රීඩා උත්සව පැවැත්වීමට කලාප අධ්යාපන අධ්යක්ෂවරයා අවසර දී නැතැයි වාර්තා වේ.
මෙවැනි තත්ත්වයන් හමුවේ දිඹුලාගල අධ්යාපන කලාපයේ ක්රීඩාවට දක්ෂ සිසු පිරිසට අසාධාරණයක් සිදුවන බව ක්රීඩා විෂයභාර ගුරුවරුන් සඳහන් කරති.
දිඹුලාගල අධ්යාපන කලාපයේ නුවරගල, පැළැටියාව,මඟුල්දමන, ඇල්ලේවැව, මනම්පිටිය, යන විද්යාලවල වාර්ෂික ක්රීඩාව උත්සව පැවැත්වීමට සියලු කටයුතු සැලසුම් කර තිබියදි කලාප අධ්යාපන අධ්යක්ෂවරයාට චක්රලේඛනයක් ලැබී නොමැති බව පවසමින් වාර්ෂික ක්රීඩා උත්සව පැවැත්වීමට නොහැකි තත්ත්වයක් මතුව තිබෙන බවද ක්රීඩා විෂයභාර ගුරුවරුන් සඳහන් කරති.
මැයි මාසයේ හයවෙනිදා අධ්යාපන පොදු සහතිකපත්ර සාමාන්ය පෙළ විභාගය ආරම්භ වන බවත්, එවිට වාර්ෂික ක්රීඩා උත්සව පැවතීමට සුදුසු පරිසරයක් නොමැති බවත් පෙන්වා දෙන පාසල් ක්රීඩා භාර ගුරුවරු සැලසුම් කර ඇති ආකාරයට එම උත්සව පැවැත්වීමට අපේක්ෂාවෙන් පසුවෙති
අප මේ පිළිබඳව දිඹුලාගල කලාප අධ්යාපන අධ්යක්ෂය එස්,එම්. මුස්ලිමීන් ගෙන් දුරකථනයෙන් කර විමසීමකදී ඔහු ප්රකාශ කළේ උෂ්ණත්වය අඩුනම් සවස් භාගයේ ක්රීඩා උත්සව පැවැත්වීමට පොදු තීරණයකට දැන් පැමිණ ඇති බවය
ඒ අනුව අප්රේල් 15 වැනිදායින් පසුව ක්රිඩා උත්සව පැවැත්වෙනු ඇති බව ද මේ අවස්ථාවේ දී ක්රීඩා උත්සව පැවැත්වීම සාමාන්යපෙළ විභාගය සඳහා පෙනී සිටින දරුවන්ගේ අධ්යයන කටයුතුවලට ගැටලුවක් බවය..
