මනම්පිටිය නිමල් ජයරත්න –
දිඹුලාගල, ඓතිහාසික කන්දේගම ප්රදේශයේ පුරාවිද්යා ස්ථානයක් කැණීම් කිරීමට පැමිණි පුරාවිද්යා දෙපාර්තමේන්තුවේ කැණීම් කටයුතු සම්බන්ධ නිලධාරීන් පිරිසකට එම ප්රදේශයේ තිබී ආර්. පී. ජී. මෝටාර් උන්ඩයක් අද (22) හමුවී ඇති බව අරලගංවිල පොලිසිය කියයි.
පොළොන්නරුව පුරාවිද්යා ප්රාදේශීය කාර්යාලයේ සංවර්ධන ගවේෂණ නිලධාරී පූජ්ය කැප්පෙටිපොල ජිනසිරි හිමියන් ඇතුළු සිව්දෙනකු ඓතිහාසික කන්දේගම ධනංජය රජමහා විහාරස්ථානයට ආසන්නයේ පුරාවිද්යා ස්ථානයක් කැනීම් කිරීමට පැමිණි අවස්ථාවේදී මෙම ආර්.පී. ජී. මෝටාර් උණ්ඩය ගල් දෙබොක්කාව තිබි හමුවී ඇති බව ඒ පිළිබඳ පරීක්ෂණ කරන අරලගංවිල පොලිසිය සඳහන් කරයි.
එල්.ටී.ටී.ඊ ත්රස්තවාදීන්ගේ යුද වකවානුව තුළ එම මෝටාර් උණ්ඩය සඟවා තබන්නට ඇති බවට අරලගංවිල පොලිසිය සැක පල කරයි.
මේ පිළිබඳව පූජ්ය කැප්පෙටිපොල ජිනසිරි හිමියන් ඇතුළු පිරිස අරලගංවිල පොලිසියට පැමිණිලි කිරීමෙන් අනතුරුව එම මෝටාර් උණ්ඩය තිබූ ස්ථානය සොයාගත් අතර ඒ පිළිබඳ පොළොන්නරුව මහේස්ත්රාත් අධිකරණයට අද (22) කරුණු වාර්තා කිරීමෙන් පසු නිෂ්ක්රීය කිරීමට අවශ්ය කටයුතු කරන බව අරලගංවිල පොලිස් ස්ථානාධිපති පොලිස් පරීක්ෂක ඉඳුනිල් හේමපාල
අප කළ විමසීමකදී සඳහන් කළේය.
පොළොන්නරුව ජ්යෙෂ්ඨ පොලිස් අධිකාරි නිශාන් ද සිල්වාගේ උපදෙස් අරලගංවිල පොලිස් ස්ථානාධිපති පොලිස් පරීක්ෂක ඉඳුනිල් හේමපාල ඇතුළු පොලිස් නිලධාරී කණ්ඩායමක් මේ පිළිබඳ වැඩිදුර පරීක්ෂණ පවත්වයි.
