ජපානය සහ ඉන්දියාව අතර ඉතා ශක්තිමත් ද්විපාර්ශවීය සම්බන්ධතාවක් පවතින අතර එම සම්බන්ධතා තවදුරටත් වර්ධනය කරගැනීමට දෙරටම අපෙක්ෂා කරමින් සිටියි.
මෙහිදී දෙරටේ සම්බන්ධතා වර්ධනය වීමට මුලික වූ කරුනු කිහිපයක්ම පවතින අතර එහිදී ඉන්දියාව සහ ජපානය යන රාජ්යන් දෙකම බෞද්ධ පරමාදර්ශවල පොදු උරුමයක් සහ ආර්ථික සන්ධානවලින් ඔබ්බට ගිය ශක්තිමත් මිනිසුන් අතර බැඳීමක් බෙදා ගැනීමට විශේෂත්වයකි.
ඒ අනුව ඉන්දු ජපාන සම්බන්ධතා සම්ප්රදායික ද්වීපාර්ශවීය සම්බන්ධතා වලින් ඔබ්බට ගිය බැදීමක් වන අතර එය සැමවිටම පුළුල් වූ සම්බන්ධතාවයක් වීම එහි ශක්තිමත් බව පෙන්වීමට කදිම උදාහරණයකි. එහිදී විශ්වාසයේ මූලධර්මය මත ගොඩනැගුණු සහ කාලයත් සමඟ උපායමාර්ගික ප්රමුඛත්වයක් ලබා ගත් ඉන්දියා-ජපාන සබඳතාව දැන් ආදර්ශමත් රාජ්ය තාන්ත්රිකභාවයක් කරා වේගයෙන් ගමන් කරමින් සිටී.
දිල්ලි මෙට්රෝ – ලොව විශාලතම මෙට්රෝ ජාලයන්ගෙන් එකක් – මෑතකදී එහි මෙහෙයුම් කටයුතු ආරම්භ කර වසර 20 සංවත්සරය සැමරීම සිදුවිය. මෙම මෙට්රෝ ජාලය සංවර්ධනය කිරීම සඳහා ජපානය ඉන්දියාවට මූල්ය හා තාක්ෂණික සහාය ලබා දී තිබීම විශේෂත්වයකි.
මේ අතර ඉන්දියාව සහ ජපානය අතර තවත් ව්යාපාරයකදී, ඉන්දියාවේ පළමු බුලට් දුම්රිය නිෂ්පාදනය කිරීමට දෙපාර්ශ්වයම සහයෝගයෙන් කටයුතු කර ඇත. ඒ අනුව මීට අදාල කටයුතුවලින් සියයට 25කට ආසන්න ප්රමාණයක් අවසන් කර ඇති අතර, ඉන්දියාවේ පළමු බුලට් දුම්රිය 2027 වන විට දුම්රිය මාර්ගයට පැමිණීමට අපේක්ෂා කෙරේ.
ඉන්දියාවේ ජපන් තානාපති මෑතකදී පැවසුවේ, “ජපන් කණ්ඩායම සහ ඉන්දීය කණ්ඩායම සමීපව එකට වැඩ කරන අතර, මගේ ඇස් ඉදිරිපිටම විප්ලවයක් සිදුවෙමින් පවතිනවා. ජපානය සහ ඉන්දියාව විශේෂ සබඳතා, විශේෂ හවුල්කාරිත්වය භුක්ති විඳිනවා, එය උපායමාර්ගික සහ ගෝලීය වශයෙන් වැදගත්. ඒ නිසා අපි ආරක්ෂාව වැනි වැදගත් අංශ රැසක සහයෝගයෙන් කටයුතු කරනවා.” යනුවෙනි.
