ශ්රි ලංකාවේ සිදුවන කොවිඩ් මරණ සම්බන්ධයෙන් පොලිසිය විසින් රැස් කරනු ලබන දෛනික මරණ සංඛ්යාවත් සෞඛ්ය සේවා අධ්යක්ෂ ජනරාල්වරයා වෙතින් වාර්තා වන දෛනික කොවිඩ් මරණ සංඛ්යාවත් අතර සැලකිය යුතු පරස්පරයක් පවතින බව පොලිස් ආරංචි මාර්ග සඳහන් කරයි. ශ්රී ලංකාවේ කොතනක මරණයක් සිදුවුණත් ඒ පිළිබඳ ව පොලීසියට වාර්තා වන අතර විශේෂයෙන් කොවිඩ් මරණ මහජන සෞඛ්ය පරීක්ෂකවරුන්ගේ අධික්ෂණයට ලක්වන්නා සේම පොලීසියේත් වාර්තා පොත්වලට ඇතුළත් වන බවත් ඒම තොරකුරු වසංගතය සම්බන්ධයෙන් පැවැත්වෙන රැස්වීම්වලදී ඉදිරිපත් කෙරෙන බවත් පොලීසියේ අභ්යන්තර තොරතුරු අනාවරණය කළේය.
පොලීසියේ දත්ත පද්ධතියට මෙම මරණ ඇතුළත් කෙරෙන අතර පොලීසියේ ස්ථාපනය කර ඇති කොවිඩ් අංශයට සෑම කොවිඩ් මරණයක් සමබන්දයෙන්ම තොරතුරු ඇතුළත් වන වව සඳහන් වේ. මිය ගිය පුද්ගලයා කවුද? වයස කීයද? ලිපිනය ආදී තොරතුරු ඊට ඇතුළත් වන අතර ඊට අමතරව බුද්ධි අංශ මඟින් ද දෛනිකව දිවයිනේ සෑම ප්රදේශයකම සිදුවන කොවිඩ් මරණ ගැන වාර්තා සකස්. කෙරේ. මිය ගිය පුද්ගලයාගේ ළගම ඥාතීන් මෙන්ම ඒ අය සම්බන්ධකරගත හැකි දුරකතන අංක පවා එහි ඇතුළත්ව තිබුණද පොලීසියේ අභ්යන්තර තොරතුරු සදහන් කරන්නේ පොලීසිය විසින් ඒ රැස්කරන කොවිඩ් මරණ ප්රමාණය සහ දෛනිකව සෞඛ්ය අංශ නිකුත්කරන කොවිඩ් මරණ අතර සැලකිය යුතු වෙනසක් තිබෙන බවකි.
