ඉන්දීය ක්රිකට් පාලක මණ්ඩය මැයි 17 වන දින නැවත ආරම්භ වී ජුනි 3 වන දින අවසන් කිරීම නිවේදනය නිකුත් කර ඇත. ඒ නව සංශෝධිත කාල සටහනක් අනුවය.
ඉන්දියාව සහ පාකිස්තානය අතර දේශසීමා ආතතීන් හේතුවෙන් මැයි 9 වන දින සතියකට අත්හිටුවන ලද තරඟාවලියේ ඉතිරි තරඟ බැංගලෝර්, ජායිපූර්, දිල්ලි, ලක්නව්, මුම්බායි සහ අහමදාබාද් යන , ස්ථාන හයකදී පැවැත්වේ.
අවසන් තරග සඳහා ස්ථාන පසුව ප්රකාශයට පත් කරනු ඇත. නමුත් මැයි 29 වන අවසන් පූර්ව වටයේ පළමු තරගයත් ජුනි 1 වන අවසන් පූර්ව වටයේ 2වන තරගයත්, ජුනි 3 වන දින අවසන් මහා තරඟත් පැවැත්වේ
ෙනැවත ආරම්භ කිරීමෙන් පසු මුළු තරඟ 17 ක් පැවැත්වේ. ඉරිදා දින දෙකක තරග දෙක බැගින් පැවැත්වෙනු ලැබේ.
සංශෝධිත කාලසටහනට ලීග් තරඟ 13 ක් සහ අවසන් පූර්ව වටයේ තරඟ හතර ඇතුළත් වේ. මෙයින් අදහස් කරන්නේ මැයි 8 වන දින ධර්මශාලා හිදී පළමු ඉනිමේ මැද භාගයේදී නතර කරන ලද පන්ජාබ් කිංග්ස් එදිරිව දිල්ලි කැපිටල්ස් තරගය නැවතත් මැයි 24 වන දින ජායිපූර් හිදී පැවැත්වෙන බවය.
අදාල සංශෝධිත කාල සටහන පහත දැක්වේ. (espncricinfo වෙබ් අඩවියෙනි)
තරඟාවලිය නැවත ආරම්භ කිරීම අවසන් කිරීමට පෙර ඉන්දියානු ක්රිකට් පාලක මණ්ඩලය “රජයේ සහ ආරක්ෂක ආයතන සමඟ සහ සියලුම ප්රධාන කොටස්කරුවන් සමඟ පුළුල් උපදේශන” පැවැත්වූ බව නිල නිවේදනයේ සඳහන් විය.
මැයි 25 වන දින කොල්කටාහිදී අවසන් වීමට නියමිතව තිබූ IPL තරගාවලිය ප්රමාද වී අවසන් වීම නිසා, එය දැන් එංගලන්තය සහ බටහිර ඉන්දීය කොදෙව් අතර මැයි 29 වන දින බර්මින්හැම්හිදී ආරම්භ වී ජුනි 3 වන දින ඕවල්හිදී අවසන් වන සම්පූර්ණ එක්දින තරගාවලිය පවත්වන දින වකවානුවේම පැවැත්වීමට සිදුවී තිබේ.
ඒ හේතුවෙන් එය බටහිර ඉන්දීය කොදෙව් ජාතික එක් දින සංචිතයට තෝරාගෙන ඇති රෝයර් චැලෙන්ජර්ස් බැංගලෝර් කණ්ඩායමේ රොමාරියෝ ෂෙපර්ඩ් , ලක්නවු සුපර් ගැන්ග් කණ්ඩායමේ ෂමර් ජෝසප් සහ ගුජ්රාට් ටයිටන්ස් කණ්ඩායමේ ෂර්ෆේන් රදර්ෆර්ඩ්ට IPL තරග අත් හැරීමට සිදුවී ඇත.
එංගලන්තය තවමත් ඔවුන්ගේ සංචිතය නම් කර නැත, නමුත් බලපෑමට ලක්විය හැකි ක්රීඩකයින් වන්නේ ගුජ්රාට් ටයිටන්ස් කණ්ඩායමේ ජොස් බට්ලර් , රෝයල් චැලෙන්ජර්ස් බැංගලෝර් කණ්ඩායමේ ෆිල් සෝල්ට්, ජේකබ් බෙතෙල් , ලියම් ලිවිංස්ටන් , මුම්බායි ඉන්දියන්ස් කණ්ඩායමේ විල් ජැක්ස් සහ රීස් ටොප්ලි ය.
සංශෝධිත IPL කාලසටහන අවසන් තරඟය සහ ලෝක ටෙස්ට් ශූරතා අවසන් තරඟය අතර පරතරය දින හතකට සීමා කරයි. ඕස්ට්රේලියාව සහ දකුණු අප්රිකාව ජුනි 11 වන දින ලෝඩ්ස්හිදී ටෙස්ට් ලෝක ශූරතාව සඳහා තරඟ කිරීමට නියමිතය. ඕස්ට්රේලියාව සහ දකුණු අප්රිකාව යන දෙකම අඟහරුවාදා ඔවුන්ගේ සංචිත ප්රකාශයට පත් කිරීමට නියමිතය.
දැනට IPL කණ්ඩායම්වල සිටින සහ ලෝක ටෙස්ට් ශූරතාවයේ අවසන් මහා තරඟය සඳහා තෝරා ගැනීමට ඉඩ ඇති ක්රීඩකයින් වන්නේ සන් රයිස් හයිද්රාබාද් කණඩායමේ ක්රීඩා කරන ඕස්ට්රේලියානු නායක පැට් කමින්ස් සහ ට්රැවිස් හෙඩ්, දිල්ලි කැපිටලස් කණ්ඩායම වෙනුවෙන් ක්රිඩා කරන මිචෙල් ස්ටාර්ක් සහ ට්රිස්ටන් ස්ටබ්ස්, රෝයල් චැලෙන්ජරස් බැංගලෝර් කණ්ඩායමේ ජොෂ් හේසල්වුඩ් , පන්ජාබ් කිංග්ස් කණ්ඩායමේ මාර්කෝ ජැන්සන් සහ ජොෂ් ඉන්ග්ලිස්, ලක්නවු සුපර් ගැන්ග් කණ්ඩායමේ ඒඩන් මාක්රම්, ගුජ්රාට් ටයිටනස් කණ්ඩායමේ කගිසෝ රබාඩා , මුම්බායි ඉන්දියන්ස් කණ්ඩායමේ රයන් රිකෙල්ටන් සහ රාජාස්ථාන් රෝයල් කණ්ඩායමේ ක්වේනා ම්ෆාකා ය. මේ තත්ත්වය IPL විකල් කරවන සුළුය.
සංශෝධිත කාලසටහන තවත් අභියෝගයකට මුහුණ දී ඇත. මැයි 30 සිට කැන්ටබරි සහ නෝර්තැම්ප්ටන් හි නිල නොවන ටෙස්ට් තරඟ දෙකක් සඳහා විදේශගතවන ඉන්දියා A කණ්ඩායමේ එංගලන්ත සංචාරයට ද බලපානු ඇත. ජුනි 20 වන දින එංගලන්තයේ ආරම්භ වන තරග 5කින් යුත් නිල නොවන ටෙස්ට් තරඟාවලිය සඳහා ඉන්දීය සංචිතයට ඇතුළත් වීමට ඉඩ ඇති ඉන්දියා ක්රීඩකයින් කිහිප දෙනෙකු IPL හි අවසන් කොටසට අහිමිවනු ඇත.
දැනට, IPL ෆ්රැන්චයිස් කණ්ඩායම් 10 සඳහා ඇති විශාලතම අභියෝගය වනුයේ ඔවුන්ගේ සංචිත නැවත එක්රැස් කර සති අන්තයේ ආපසු ගෙදර යාමට පටන් ගත් විදේශීය ක්රීඩකයින් සහ සහායක කාර්ය මණ්ඩල සාමාජිකයින් නැවත ගෙන්වා ගැනීමය.
නැවත එක්වීමට පහසුම කණ්ඩායම ගුජරාට් ටයිටන්ස් වනු ඇත. දැනට ලකුණු පුවරුවේ ඉහළින්ම සිටින ඔවුන් ඔවුන්ගේ විදේශීය ක්රීඩකයින් දෙදෙනෙකු පමණක් ආපසු පියාසර කරනු දැක තිබේ. ඒ ජොස් බට්ලර් සහ ජෙරල්ඩ් කෝට්සි. ඔවුන්ගේ කණ්ඩායමේ සෙසු අය අහමදාබාද්හි පුහුණුවීම් දිගටම කරගෙන යමින් සිටිති.
