ශ්රියානි විජේසිංහ –
දළදා වන්දානව සඳහා පැමිණෙන බැතිමතුන් පානීය ජලබෝතලයක් රැගෙන ආ යුතු අතර පිපාසය දැනීමට පෙර එනම් සිරුර විජලනයට ලක්වීමට පෙර ජලය පානය කරන්නැයිද ජලබෝතලය හිස්වීමට පෙර එය නැවත පානීය ජලයෙන් පුරවා ගන්නැයිද මහනුවර ප්රාදේශීය සෞඛ්ය සේවා අධ්යක්ෂ වෛද්ය සේනක තලගල ජනතාවට දැනුම් දී සිටියි.
එසේම යම් අසනීපයකට දීර්ඝ කාලයක් යම් ඖෂධයක් හෝ කීපයක් භාවිත කරන බැතිමතෙක් නම් එම ඖෂධ රැගෙන ආ යුතු අතර ඒවා නියමිත වේලාවට නියමිත මාත්රාවෙන් පොලිමේ සිටියදී පවා ලබා ගන්නා ලෙස සෞඛ්ය සේවා අධ්යක්ෂවරයා ජනතාවට පවසා සිටියි.
තවද සායන්වලට සහභාගිවන පුද්ගලයෙක් නම් සායන පොත තමන් සතුව තිබිය යුතු බවද වෛද්ය තලගල ජනතාවට දැනුම් දි සිටියි.
