කීර්ති ප්රනාන්දු –
ලංකා ඛණිජ තෙල් සංස්ථාවේ මූල්ය ප්රධානියාගෙ අත්තනෝමතික හැසිරීම හේතුවෙන් රටේ ඉන්ධන හිඟයක් ඇතිවීමේ අවදානමක් පැන නැගුණු බව ඉන්ධන බෙදුම්කරුවන්ගේ සංගමය පවසයි.
උත්සව දිනයන් සහ එක දිගට පැමිණෙන බැංකු නිවාඩු හේතුවෙන් අත් පිට මුදල් ලබා දීමට නොහැකි හේතුව නිසා චෙක් පත් සඳහා ඉන්ධන නිකුත් කරන ලෙස තමන් කළ ඉල්ලීම සංස්ථාවේ සභාපතිවරයා සහ අමාත්යවරයාත් අනුමත කර තිබිය දී මෙම මූල්ය ප්රධානියා එම උපදෙස් නොසලකා කටයුතු කිරීමෙන් අද උදේත් ඉන්ධන බෙදාහැරීම ඇණහිටි බව සංගමය කීවේය.
පසුව බෙදුම්කරුවන්ගේ සංගමය වශයෙන් මේ සම්බන්ධව ඇමතිවරයා දැනුම්වත් කළ පසු චෙක්පත් සඳහා ඉන්ධන නිකුත් කිරීමට මූල්ය ප්රධානියා එකඟ වූ නමුත් ප්රායෝගික තත්ත්ව මත බෙදුම් කරුවන්ට ඉන්ධන ලබාදීම තවත් ප්රමාද වනු ඇති බව එම සංගමයේ සභාපති කපිල නාඔටුන්න ලංකාසරට පැවසීය.
පැය දෙකක් රටේ ඉන්ධන බෙදා හැරීම් ප්රමාදවීම ආර්ථිකයට ඍජුව බලපාන බව පෙන්වා දෙන සභාපතිවරයා මේ සාමුහික ක්රියාවලිය අවබෝධයකින් සහ ප්රායෝගික වලංගු භාවයක් සහිතව සිදුකිරීම අත්යාවශ්ය බව පෙන්වා දුන්නේය.
