තෙල් සම්බන්ධව දැනට පනවා ඇති බදු ඉදිරියේ දී නිශ්චිත ලෙසම අඩුකරන බව ආණ්ඩුවේ ප්රධාන සංවිධායක වෛද්ය නලින්ද ජයතිස්ස අද පාර්ලිමේන්තුවට ප්රකාශ කළේය.
ඔහු මේ බව කීවේ දයාසිරි ජයසේකර මන්ත්රීවරයා විසින් ඇසූ දීර්ඝ ප්රශ්නයට පිළිතුරු දෙමිනි. දයාසිරි ජයසේකර මන්ත්රීවරයා ඡන්ද වේදිකාවේ පැවසූ පෙට්රල් බද්ද අඩු කිරීම හුදු පොරොන්දුවක් පමණක් දැයි දයාසිරි ජයසේකර විමසුවේය.
“තෙල් මිල සම්බන්ධව තිබෙන බදු මුදල් ගැන තමුන්නාසේලා දිගටම කතා කළා. ඔබතුමාලා කිව්වා රුපියල් පනහක බද්දක් ගන්නවා. ඊට වඩා වැඩිය ගන්නවා. දැන් ඔබතුමාල ගහලා තියන ගැසට් එකට අනුව තෙල් මිලේ බදු අඩු කරන්නේ නෑ.”
“ඔබතුමාලා කිව්වා තෙල් මිලට බද්දක් තියනවා… ඒක අපි අඩු කරනවා කියලා. කාංචන විජේසේකර හිටපු ඇමති මුදල් ගන්නවා කියලා දිගටම කිව්වා. මේවා ඇත්තට කියපු කතා ද?. නැත්නම් බොරුවට ද කිව්වේ. නැතිනම් නිකම් ද කිව්වේ. තමුන්නාසේලා කිව්වේ මේවා අසාධාරණ බදු කියලා. කවද්ද ඒවා අඩු කරන්නේ. දැනගන්න කැමතියි.”
“අනික පරණ කට්ටියගෙන්ම තමයි තාම තෙල් ගන්නේ. මම ඔබතුමාගෙන් අහන්නේ හිටපු ආණ්ඩුවෙන් ගත්තු කට්ටි හැර අලුත් තෙල් ගිවිසුමට ඇවිත් තියනව ද. ඒ තොරතුරු ඉදිරිපත් කරනව ද. අපි දන්න විදිහට ඒ අයගෙන්ම තමයි තෙල් ගන්නේ. ඒ ප්රිමියම් එක ඒ විදිහටම ගන්නවා. ප්රිමියම් එකෙන් තමයි ඔබ කියන හොරකම සිද්ධ වෙන්නෙ. ” දයාසිරි ජයසේකර විමසුවේය.
ඊට පිළිතුරු දෙමින් විපක්ෂයේ ප්රධාන සංවිධායක වෛද්ය නලින්ද ජයතිස්ස කීවේ නිශ්ඡිත ලෙසම බදු අඩු කරනු ඇති බවත් ඇමතිවරයා මේ සම්බන්ධව දීර්ඝ පැහැදිලි කිරීමක් පාර්ලිමේන්තුවට කරනු ඇති බවත්ය.
“අපි නිශ්චිත ලෙසම මේ බදු අඩු කරන්න කටයුතු කරනවා. ඊයෙත් දැක්කනේ. දෙන්න පුලුවන් උපරිම සහන දිලා තියෙන්නේ. අලුත් බදු එකක්වත් පැනෙව්වෙ නෑ. මේ සම්බන්ධයෙන් සවිස්තර වාර්තාවක් අපි ඉදිරියේ දී ලබා ගන්නවා. කොහෙමද තෙල් සංස්ථාවව පාඩු කළේ කොහොමද හිටපු ඇමතිවරු ඒකට මැදිහත් වුනේ කියලා. ඇමති තුමා ඇවිත් ඒකට උත්තර දේවි.”
