නිමන්ති රණසිංහ
- වරදක් නෑ කියලා දැනගෙන තියෙන්නේ ත්රස්තවාදය වැළැක්වීමේ පනත යටතේ අත්අඩංගුවට අරන් අවුරුදු එක හමාරක් රඳවාගෙන ප්රශ්න කළාට පස්සේ…
- ඒ කාලය තුළම අධිකරණයට ඉදිරිපත් කරලා නෑ. අධිකරණයට ඉදිරිපත් කළ අවස්ථාවෙ ඉල්ලා තිබෙන්නෙ චෝදනා නැති නිසා නිදහස් කරන්න කියලා..
මත්ද්රව්ය ජාවාරම් කළ සැකකාර නාකොටික් නිලධාරීන්ට හෙරොයින් ඡාවාරම සඳහා ගිනි අවි සහිත ආරක්ෂාව සැපයූ බව කියමින් අපරාධ පරීක්ෂණ දෙපාර්තමේන්තුව අත්අඩංගුවට ගෙන රැඳවුම් නියෝග මත වසර එකහාමාරකට ආසන්න කාලයක් රඳවා තබාගෙන ප්රශ්න කරමින් සිටි පොලිස් විශේෂ කාර්ය බලකායේ උප පොලිස් පරීක්ෂක කේ. අජිත් ප්රේමලාල් එම නඩුවෙන් නිදහස් කිරිමට කොළඹ ප්රධාන මහේස්ත්රාත් බුද්ධික රාගල මහතා නියෝග කළේය.
මෙම සිද්ධිය සම්බන්ධයෙන් 29 වැනි සැකකරු ලෙස අත්අඩංගුවට ගෙන රැඳවුම් නියෝග මත රඳවා තබාගෙන ප්රශ්න කරමින් සිටි මෙම නිලධාරියා සම්බන්ධයෙන් සිදුකළ විමර්ශනයේදී කිසිදු සාක්ෂියක් අනාවරණය නොවීම මත ඔහු මෙම නඩුවෙන් මුදා හරින ලෙසට අපරාධ පරික්ෂණ දෙපාර්තමේන්තුව අධිකරණයෙන් කළ ඉල්ලීමක් සැලකිල්ලට ගත් මහේස්ත්රාත්වරයා මෙම නියෝගය නිකුත් කළේය.
හෙරොයින් ජාවාරම සදහා සම්බන්ධ බවට සැකපිට අපරාධ පරීක්ෂණ දෙපාර්තමේන්තුව මෙම සැකකරු අත්අඩංගුවට ගෙන තිබුණේ ඉකුත් වසරේ අගෝස්තු මස 18 වැනිදාය. එදින සිට ත්රස්තවාදය වැළැක්වීමේ පනත ප්රකාරව මොහු අපරාධ පරික්ෂණ දෙපාර්තමේන්තුවේ රැඳවුම් නියෝග මත රඳවා තබාගෙන ප්රශ්න කිරීම් සිදුකළ අතර කිසිදු අවස්ථාවක අධිකරණය වෙත ඉදිරිපත් කිරීමක් සිදුකර තිබුණේ නැත.
ඒ අනුව, අපරාධ පරීක්ෂණ දෙපාර්තමේන්තුවේ ඉල්ලීම මත කොළඹ මහේස්ත්රාත් අධිකරණයේ නඩු අංක බී 305602 දරන නඩුවෙන් මෙම සැකකරු නිදහස් කළ අධිකරණය ඔහු එම නඩුවෙන් මුදා හැරීය.
මෙලෙස නිදහස් කළේ, ජයවර්ධනපුර විශේෂ කාර්ය බලකා කදවුරේ සංවිධානාත්මක අපරාධන මර්දන ඒකකයට අනියුක්තව රාජකාරි සිදුකළ කේ. අජිත් ප්රේමලාල් නැමැති උප පොලිස් පරීක්ෂකවරයෙකි
ලංකාදීප
