තමා පෝට් සිටිය භාරව සිටින කාලයේ එම ව්යාපෘතිය මාස 21 ක් වසා තැබීම නිසා ඩොලර් බිලියයන 175ක් ගෙවන ලෙස චීනය තමාට ලිපියයක් එවූ නමුත් එක් ඩොලරයක් හෝ නොගෙවා රාජ්ය තාන්ත්රික ගැටුම් හෝ බැංකු අසාදුලේඛනගත නොකරගෙන විසඳා ගත් ආකාරය පාර්ලිමේන්තු මන්ත්රී පාඨලී චම්පික රණවක මහතා අද හෙළි කළේය.
මහනගර හා බස්නාහිර සංවර්ධන හිටපු අමාත්යවරයා වූ ඔහු කියාසිටියේ එය විසඳන ලද්දේ ‘නාමල් බේබිට ෆෝමියුලා වන් රේස් පදින්න තිබ්බ පාර පෝට් සිටි සැලසුමෙන් අයින් කළ එක පමණක්’ වන බවයි.
අතීතයේ මෙන් වාමාංශික වාග් ප්රහාර සිදුකොට රටවල් තරහා කරගැනීම වර්තමානයේ කළ නොහැකි බව ඔහු කියාසිටී.
විශේෂයෙන්ම චීනය කෝපගැන්වීම අතිශය භයානක බවත් ලංකාවේ විදේශීය ණයවලින් 50%ක්ම ඇත්තේ චීනයට බවත් ඔහු අවධාරණය කළේ මෙසේය.
“අපි අපේ ප්රමාණය දැනගෙන ජාත්යන්තර දේශපාලනයේ හැසිරෙන්න ඕනෑ. මේක අතීත යුගයේ නෙමෙයි. දේශපාලන වාග් ප්රහාරවලට යුගය කාලය නෙමෙයි. අපේ තරම දැනගෙන ප්රවේශම දැනගෙන අපි කටයුතු කළ යුතුයි. මොකද මෙවැනි මෝඩ තීරණ කාරණා නිසා අපි හොඳට බැට කාපු රටක්. දොස්තර මහත්තුරුත් කිව්වනෙ අර 1990 ත් RAW කියලා. ඒක නේපාලයෙත් ක්රියාත්මකයි. CIA එකට එහෙම මං දැන් මෙතන කතා කරන දේ උඩ ඉඳන් අහගෙන ඉන්න පුළුවන්. එහෙම ප්රශ්නයක් නෑ ලෝකයේ අද ඒ විදියට ගිහින් ඉවරයි. අපි මෝඩ වාමාංශික උද්වේගකර සටන් පාඨවල කටයුතු කරලා වැඩක් නෑ. මේ කොවිඩ් වසංගත කාලේ අපේ හැම දරුවෙකුටම 5G එකට යන්න පුළුවන් ඒ මාවත ඇහිරුවේ මේ මෝඩ සටන් පාඨ නිසා. කිසි කෙනෙක් තරහා කරගන්න හොඳ නෑ අනවශ්ය උද්වේගකර වැඩ කරන්න හොඳ නෑ. අනවශ්ය ආකාරයට විදේශ ගැටුම්වලට මැදිහත් වෙන්න යන්න හොඳ නෑ. ඒවායින් අපට භයානක ප්රතිලාභ ලැබෙනවා.
අපි තේරුම් ගන්න ඕන චීනය මොකද කළේ කියලා ඩොලර් බිලියන 6 කට. මේ රටේ ප්රධාන බැංකුවක් වෙච්ච මහජන බැංකුව බ්ලැක්ලිස්ට් කරපු එක. ඒක භයානක සංඥාවක්. මේ චීනය අපේ පෝට් සිටිය මම කරන කාලේ මට එව්වා ඩොලර් බිලියන 175 ක් ගෙවන්න කියලා. ලියුමක්. මාස විසි එකක් පෝට් සිටිය නවත්තලා තිබ්බා කියලා. අපි ගෙව්වද එක ඩොලර් එකක්? නෑ. මම බොහොම පැහැදිලිව කිව්වා එක සතයක් අපි ගෙවන්නේ නෑ. විකල්ප තියෙනවා නම් යෝජනා කරන්න. අපිට ආවා විකල්ප තුනක්. රටට හොඳම විකල්පය අපි තෝරා ගත්තා. අපි කොහොමද ඒක ගෙව්වේ? රාජ්ය තාන්ත්රිකව චීන අපට විරුද්ධව එක වචනයක් වත් කිව්වේ නැහැ. අපේ බැංකු blacklist කරන්න ගියේ නැහැ. අපේ අමාත්යාංශයට විරුද්ධව කටයුතු කළේ නෑ. අපි සතයක්වත් ගෙව්වේ නෑ ඔය අර පොහොර නැවට ගෙව්වා වගේ. මොකක්ද අපි කළේ නාමල් බේබිට formula one රේස් යන්න හදපු පාර, පෝර්ට් සිටි සැලසුමෙන් අයින් කරා. අයින් කරලා අද ඔබ හැමටම ඇතුළු වෙන්න පුළුවන් දැවැන්ත නාගරික උද්යානයක් හැදුවා. උද්යානයේ දෙපස ඇති වෙච්ච ඉඩම් අපි දෙගොල්ලො බෙදාගත්තා. ඔවුන්ට හැටයි අපිට හතලිහයි (60% – 40%) ප්රශ්නයක් නෑ නේ. අද ලක්ෂ 200කට යන්න පුළුවන් උද්යානයකුත් තියෙනවා. ඩොලර් බිලියන 175 ගෙව්වෙත් නෑ. රාජ්ය තාන්ත්රික ගැටුමක් ඇති වුණෙත් නෑ. ඒ නිසා ප්රශ්නයක් ඇතිවුණේ නෑ. මේ ආකාරයට මොලේ කල්පනා කරලා අපි වැඩ නොකලොත් චීනය උනත් අපිට දැන් එරෙහිව නැගී සිටින ප්රමාණය බැලුවොත් අතිශය බරපතලයි. මොකද අපේ ණයවලින් සියයට 50ක් චීනයට තියෙන්නෙ. ඒ නිසා මේ ආකාරයේ මෝඩ ගැටුම් අපි ඇතිකර ගැනීමෙන් වැළකී සිටිය යුතුමයි.” යැයි ද පාඨලී චම්පික රණවක මන්ත්රීවරයා කීය.
