දිනසේන රතුගමගේ –
දේශපාලනය විසින් කුළුගන්වන ලද හින්දුන් විසින් වෙඩුක්කුනාරී ආදී ලිංගේස්වර කෝවිල ලෙස හඳුන්වා අත්පත් කරගෙන ඇති වවුනියාවේ නෙඩුන්කේණී ප්රදේශයේ පිහිටි වඩ්ඩමාන පර්වත විහාර භූමියට ප්රවේශ වීමට එරෙහිව අධිකරණ නියෝගයක් නිකුත් වී තිබිය දී, මෙම විහාර භූමියේ පුරාවස්තු විනාශ කිරීම් සම්බන්ධව වවුනියාව අධිකරණයේ නඩු තුනක් විභාග වෙමින් පවතිද්දී මෙවර මහා ශිව රාත්රී දිනය වෙනුවෙන් විශේෂ පූජාවන් හා වන්දනාමාන කිරීම් ධීවර අමාත්ය ඩග්ලස් දේවාන්නදා ගේ මැදිහත් වීමෙන් පළාතේ හින්දු බැතිමතුන්ට අවසරයක් හිමි වී තිබේ.
අමාත්යවරයාද මෙම කෝවිලේ පැවති ශිව දෙවියන් පිදීමේ විශේෂ පූජාවකට සහභාගී වී ඇත.
වෙඩුක්කුනාරී ආදී ලිංගේස්වර කෝවිල අයත් භූමිය පුරා විද්යා රක්ෂිතයක් ලෙස නම් කොට ඇති අතර එම ස්ථනයට ජනතාවට ඇතුලු නොවීමට නියෝගයක් නිකුත් කරණ ලෙස පුරා විද්යා නිලධාරීන් කල ඉල්ලීමකට වවුනියාව අධිකරනයෙන් නිකුත් වී තිබේ.
ඊට අමතරව මෙම ස්ථානයේ සංවර්ධන කටයුතු කෝවිලේ බාරකරුවන් විසින් දිගටම කරගෙන යාමට එරෙහිව තවත් නඩු තුනක් වවුනියාව අධිකරණයේ විභාග වෙමින් පවතී.
අමාත්යවරයා ප්රකාශ කොට ඇත්තේ මෙවැනි ප්රශ්න අධිකරණයට නොගොස් නිලධාරීන් හා ජනතාව සාකච්ඡා කොට විසදා ගත යුතුව ඇති බවයි.
මේ ලිපියත් බලන්න…
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
හය වසරකට පෙර ආදී ලිංගේස්වර කෝවිල වූ පුරාණ වඩ්ඩමාන පබ්බත විහාරය
