දිනසේන රතුගමගේ –
යාපනයේදී හදිසි අනතුරකට ලක්ව මියායාමට ආසන්නයේ සිටි තරුණයෙකුගේ වකුගඩු යුගලය තරුණයාගේ දෙමව්පියන් විසින් යාපනය ශීක්ෂණ රෝහලට පරිත්යාග කොට තිබේ.
තංගරාසා ප්රියන්ජන් නැමති මෙම තරුණයා මියගොස් ඇති අතර ඔහුගේ වකුගඩු යුගලය පරිත්යාග කිරීමට කැමැත්ත පල කිරීම සම්බන්ධයෙන් යාපනය ශීක්ෂණ රෝහලේදී දෙමව්පියන්ට උපහාර දැක්වීමේ උළෙලක් සංවිධානය කොට තිබුණි.
යාපනය ශීක්ෂණ රෝහල තුළ වකුගඩු බැංකුවක් ආරම්භ කොට එය විවෘත කිරීමේ අවස්ථාවද එම දෙමව්පියන් දෙදෙනා වෙත ලබා දීමට රෝහලේ පාලන අධිකාරිය පියවර ගෙන තිබුණි.
යාපනය ශීක්ෂණ රෝහලේ අධ්යක්ෂ වෛද්ය පී.සත්යමූර්තී ගේ ප්රධානත්වයෙන් මෙම උත්සවය සංවිධානය කොට තිබූ අතර ඔහු එහිදී කියා සිටියේ යාපනය ශීක්ෂණ රෝහලේදී මුල්ම වරට සිදු කරණ ලද වකුගඩු බද්ධ කිරීමේ සැත්කම සාර්ථක වීම නිසා වකුගඩු බැංකුවක් රෝහල තුළ ස්ථාපිත කිරීමේ අවශ්යතාවයක් ඇති බවයි.
පලමු වකුගඩු සැත්කම සාර්ථක විමත් සමගම රෝහලේ වකුගඩු ඒකකයේ කාර්ය මණ්ඩලය දැඩි කැපවීමකින් යුතු ව කටයුතු කිරීම නිසා ඉදිරියේදි උතුරු පලාතේ සියලුම වකුගඩු බද්ධ කිරීම් යාපනය ශීක්ෂණ රෝහල තුළදී සිදු කළ හැකි බවට වෛද්ය පී.සත්යමූර්තී විශ්වාසයද පල කළේය.
