ජාතික ඔලිම්පික් කමිටුවේ මහලේකම් මැක්ස්වෙල් ද සිල්වාගේ ධුරය අත්හිටුවීමට ක්රීඩා ඇමතිවරයා විසින් අද පියවර ගෙන තිබේ.
මේ වනවිට ඔහු සම්බන්ධව දියත්වන පරික්ෂණ අවසන්වනතෙක් ඔහු එම ධූරයේ කටයුතු කිරීම අත්හිටුවීම ඒ අනුව ක්රියාත්මක වනු ඇත.
ජාතික ඔලිම්පික් කමිටුවේ ලේකම් මැක්ස්වෙල් ද සිල්වා ධුරය වහාම ක්රියාත්මක වන පරිදි අත්හිටුවන ලෙස ජාත්යන්තර ඔලිම්පික් කමිටුව විසින් ඉල්ලා තිබුණේ පසුගිය නොවැම්බර් මස 11 වැනිදාය.
ජාතික ඔලිම්පික් කමිටුවේ ආචාර ධර්ම පිළිබඳ කමිටුව ඉදිරිපත් කළ වාර්තාවක නිගමන සහ නිර්දේශ පදනම් කර ගනිමින් ජාත්යාන්තර ඔලිම්පික් කමිටුව මෙම ඉල්ලීම සිදුකර තිබිණි.
ශ්රී ලංකා ජාතික ඔලිම්පික් කමිටුවේ විධායක මණ්ඩලය වහා රැස් කර මැක්ස්වෙල් ද සිල්වාගේ ධුරය අත්හිටුවීමේ තීරණය ප්රමාදයකින් තොරව ගන්නා ලෙස ජාත්යන්තර ඔලිම්පික් කමිටුවේ, ජාතික ඔලිම්පික් කමිටු සබඳතා දෙපාර්තමේන්තුව ආයතනික සහ පාලනික සේවා පිළිබඳ සහය අධ්යක්ෂ ජෙරම් පොයිවේ ශ්රී ලංකා ජාතික ඔලිම්පික් කමිටුවේ සභාපති සුරේස් සුබ්රමනියම්ට ඒ සම්බන්ධව ඊමේල් පණිවිඩයක් මගින් දන්වා තිබිණි.
ඉන් පසු ශ්රී ලංකා ජාතික ඔලිම්පික් කමිටුවේ ආචාර ධර්ම පිළිබඳ කමිටුව විසින් ඉදිරිපත් කර ඇති නිර්දේශ ක්රියාත්ම කරන ලෙස ශ්රී ලංකා ජාතික ඔලිම්පික් කමිටුවේ සභාපති සුරේෂ් සුබ්රමනියම් එහි විධායක කමිටුවට දන්වා තිබිණි.
