ජර්මනිය තුල චීනය විසින් සිදුකරනු ලබන අයෝජනයන් කප්පාදු කිරීමට ජර්මානු රජය විසින් තීරණය කර ඇති බවට වාර්තා වේ.
ඒ අනුව චීනය විසින් ජර්මනියේ හැම්බර්ග වාරයේ කොටස් මිලදී ගැනීමට චීනය විසින් පසුගිය කාලයේදී ඉදිරිපත් වී තිබූ යෝජනාවද වෙනස් කිරීමට පියවර ගෙන ඇති බවද අනාවරණය වේ.
මෙම තීරණයත් සමග පෙර එකඟ වූ ප්රමාණයට වඩා අඩු කොටස් ප්රමාණයක් මිලදී ලබාදීමට පියවර ගෙන ඇති බවද වාර්තාවේ. ඒ අනුව මීට පෙර වරායේ කොටස් වලින් සියයට 35ක් ලබාදීමට තීරණය කළද එම ප්රමාණය සියයට 24.9 පමණක් ලබාදීමට පියවර ගෙන තිබේ.
චීනය විසින් සිය දේශපාලන අභිමතයන් ඉටුකරගැනීමට මේවන විට සීඝ්රයෙන් කටයුතු කරමින් සිටින පසුබිමක් තුල රටකට අතිශය වැදගත් ආර්ථික මර්මස්ථාන ලබා දීම ගැටලුකාරී වන බැවින් ජර්මණිය මෙම තීරණය ගෙන ඇති බවද වාර්තාවේ.
ජර්මානු මාධ්ය වාර්තා කරන අන්දමට එරට චාන්සලර් ඕලෆ් ස්කූල්ස් හට මෙම ගිවිසුමට එකඟ නොවන ලෙසට සිය ආණ්ඩුව තුලින්ම බලකිරීම් එල්ල වී ඇති අතර එම තත්ත්වය පසෙකලා ගිවිසුම අත්සන් කිරීමට කටයුතු කර ඇත.
කෙසේ වෙතත් චීනය විසින් ඉතා සූක්ෂම යුරෝපා කළාපය ආක්රමාණය කර ඇති අතර එම කළාපයේ ප්රමුඛ සමාගම් රැසකම කොටස් මිලදී ගනිමින් සිය බලය වර්ධනය කර ගැනීමටත් තවත් ආර්ථික මර්මස්ථාන සිය පාලනයට ගැනීමටත් කටයුතු කරමින් සිටියි.
එමගින් චීනය විසින් සිය බලය කලාපය පුරා පතුරා ඇති අතරම එක්සත් ජනපදය තුලද සමාගම් රැසක කොටස් චීනය විසින් අත්පත් කරගෙන ඇති බවට අනාවරණය වේ.
