තමන්ට අනන්ය රිද්මයකින් පන්දු යවමින් කලක් ලෝකයටම තර්ජනයක් වූ ක්රීඩාවක නිරතවුන හිටපු ටෙස්ට් ක්රිකට් ක්රීඩක ජයනන්ද වර්ණවීර අද (16) පස්වරුවේ අභාවප්රාප්ත වූ බව කණගාටුවෙන් දැනුම් දෙමු.
මිය යනවිට හේ 64වන වියේ පසුවිය.
වර්ණවීර දකුණත් ඔෆ් බ්රේක් පන්දු යවන්නෙකි. ඔහුගේ සීමිත ටෙස්ට් දිවිය තුළ වර්ණවීර ඵලදායී පන්දු යවන්නෙකු වූයේය. පිට දඟ පන්දු යවන්නෙකු වූ වර්ණවීර ගේ පන්දුව වේගයෙන් ඇදී ආවේය. පිතිකරුවො ඔහු ඉදිරියේ විමතියට පත් වුහ.
වර්ණවීර ටෙස්ට් තරගවලින් වැඩි ප්රමාණයක් ක්රීඩා කළේ දේශීය තත්වයන් යටතේය. මේ පරිසරය තුළ වර්ණවීර භයානක පන්දු යවන්නෙක් වූ ආකාරය දශක හතරක ජීවිතයක් පසු කර ඇති බොහෝ ක්රීඩා ලෝලීන්ට මතක ඇතැයි සිතමු.
වර්ණවීර 1986 දී පාකිස්තානයට එරෙහිව ටෙස්ට් වරම් ලැබීය. ඔහුට යැවීමට හැකි වූයේ ඕවර 8.3 ක් පමණි. ලකුණු 26ට කඩුල්ලක් ලැබුවේය.
ටෙස්ට් තරගයක ඔහුගේ දෙවන අවස්ථාව සඳහා 1990 නොවැම්බර් දක්වා බලා සිටීමට වර්ණවීරට සිදු විය. ඔහු තරගයේ දී ඕවර 46ක් යවා ලකුණු 90 ට කඩුළු 03ක් ලැබුවේය.
1992/93 දී නවසීලන්තයට එරෙහිව නැවත වර්ණවීර කැඳවන ලදී. SSC පිටියේ දී ඔහු ලකුණු 25ට කඩුළු 04ක් ලැබුවේය. ශ්රී ලංකාව නවසීලන්තය පරාජය කළ අතර, ටෙස්ට් ජයග්රහණයක් වාර්තා කළේය. තරගාවලිය ද 1-0 ක් ලෙස ජයග්රහණය කළේය.
එම ක්රීඩාංගණයේදීම, එංගලන්තයට එරෙහිව ශ්රී ලංකාව පළමු ජයග්රහණය ලබා ගැනීමට වර්ණවීර දායක වූ යේය. තරගයේ දී ඕවර 65.1 ක් යැව්වේය. 188ට කඩුළු 08ක් ලැබුවේය. වේගයෙන් ඕෆ් බ්රේක් පන්දු යවන වර්ණවීරගේ පන්දු යැවීමේ රිද්මයේ නීත්යානුකූලභාවය පිළිබඳ පසුව ප්රශ්නයක් මතු වූයේය.
ඔහුගේ ක්රීඩා දිවියේ අවසානයෙන් පසු, වර්ණවීර ගාල්ල ක්රීඩාංගණය සකස් කිරීමේ කටයුතුවලට සම්බන්ධ විය.
ශ්රී ලංකා ක්රිකට් විකාශනය වූ ඉතිහාසයේ සලකුණක් තැබූ ක්රීඩකයෙක්වන වර්ණවීර 1994 වසරේ දී ක්රිකට් පිටියෙන් සමුගන්නා විට ටෙස්ට් කඩුලු 32ක් හා එක්දින කඩුලු 6ක් බිඳහෙළා ඇත.
වර්ණවීර ගාල්ල ජාත්යන්තර ක්රිකට් ක්රීඩාංගණයේ පිටිය සැකසීමේ ප්රධානියා ලෙසද කටයුතු කර තිබුණි.
