ජනාධිපතිවරුන්ගේ හිමිකම් (අවලංගු කිරීමේ) පනත් කෙටුම්පතේ කිසිදු විධිවිධානයක් ශ්රී ලංකා ආණ්ඩුක්රම ව්යවස්ථාවේ කිසිදු විධිවිධානයකට අනුකූල නොවන බව ශ්රේෂ්ඨාධිකරණය තීරණය කර ඇතැයි කථානායක (ආචාර්ය) ජගත් වික්රමරත්න අද (09) නිවේදනය කළේය.
කතානායකවරයා අද (09) උදේ පාර්ලිමේන්තු සැසිය ආරම්භ කරමින් මේ නිවේදනය කරනු ලැබුවේ ආණ්ඩුක්රම ව්යවස්ථාවේ 121(1) ව්යවස්ථාව ප්රකාරව, ශ්රේෂ්ඨාධිකරණය හමුවේ අභියෝගයට ලක් කරන ලද “ජනාධිපතිවරයන්ගේ හිමිකම් (ඉවත් කිරීමේ)” නමැති පනත් කෙටුම්පත පිළිබඳ ශ්රේෂ්ඨාධිකරණ තීරණය පාර්ලිමේන්තුවට දැනුම් දෙමිනි.
මේ අනුව මෙම පනත් කෙටුම්පත ආණ්ඩුක්රම ව්යවස්ථාවේ කිසිදු විධිවිධානයකට අනනුකූල නොවන බවත්, පාර්ලිමේන්තුවේ සරල බහුතර ඡන්දයෙන් සම්මත කළ හැකි බවත් ශ්රේෂ්ඨාධිකරණය විසින් තීරණය කර ඇති බව කථානායකවරයා දැනුම් දුන්නේය.
තවද, ආණ්ඩුක්රම ව්යවස්ථාවේ 121(1) වගන්තියේ සඳහන් අනිවාර්ය විධිවිධානවලට අනුකූලව අධිකරණ බලය අයැදීමට පෙත්සම්කරු අපොහොසත් වී ඇති බැවින් ශ්රේෂ්ඨාධිකරණය විසින් මේ පනත් කෙටුම්පත සම්බන්ධයෙන් ගොනු කර ඇති අංක SC/SD/29/2025 දරන පෙත්සම ප්රතික්ෂේප කර ඇති බවත් කථානායකවරයා වැඩිදුරටත් නිවේදනය කළේය.
