කීර්ති ප්රනාන්දු –
“මැතිවරණයක් තියන්න සල්ලි නෑ… සල්ලි තිබුණත් මැතිවරණයක් නෑ” කියන ජනාධිපතිවරයාගේ ප්රකාශය කුඩා දරුවෙකුගේ විහිළු ප්රකාශයක් තරම්වත් නොවටිනා එකක් බව ආදි වාසී නායක වන්නිලා ඇත්තෝ පැවසූහ.
රටේ ආර්ථික ප්රශ්නයක් ඇති බව සැබෑ නමුත් රටේ නීතියට ගරු කර නියමිත කාල වකවානුවට මැතිවරණයක් පැවැත්වීම කළ යුතු බව වන්නිලා ඇත්තෝ ලංකාසර කළ විමසුමක දී ප්රකාශ කළහ.
කිසිම දේශපාලකයෙක් රට විනාශ කිරීම සඳහා ඡන්දයක් ඉල්ලනු ඇතැයි තමන් විශ්වාස නොකරන බවද වන්නිලා ඇත්තෝ පැවසූහ.
හොරුන් ඇල්ලීම සඳහා එකිනෙකා අතර බලය හුවමාරු කරගෙන අවසානයේ දී ඔවුන් එකතුවන බව කී වන්නිලා ඇත්තන් හොරකම, දූෂණය සහ වංචාව පමණක් නැවතී නැති බව පෙන්වා දුන්හ.
“ හැම කෙනෙක්ම එකට එකතු වෙලා සාධාරණ පාලනයක් ගෙනියන්න. එතකොට රට දියුණු කරන්න පුලුවන් වේවි.” වන්නිලා ඇත්තෝ කීහ.
