පසුගිය ජනාධිපතිවරණයට වඩා 23000ක තැපැල් ඡන්ද ප්රමාණයක වැඩිවීමක් දක්නට ලැබෙන බව මැතිවරණ කොමසාරිස් ජෙනරාල් සමන් ශ්රී රත්නායක පැවසුවේය.
ඔහු මේ බව ප්රකාශ කළේ අද (23) මැතිවරණ කොමිෂන් සභා කාර්යාලයේ පැවැත්වූ මාධ්ය සාකච්ඡාවක් අමතමිනි.
සමස්ථ තැපැල් ඡන්ද දායකයින්ගේ අයදුම්පත් හත්ලක්ෂ පනස් නව දහස් දෙසීය දහයක් ලැබි තිබුණු බවත් එයින් 21160ක් ප්රතික්ෂේප වූ බවත් මැතිවරණ කොමසාරිස් ජනරාල්වරයා කීවේය.
හත් ලක්ෂ තිස් අට දහස් පනහක් සඳහා තැපැල් ඡන්ද නිකුත් කිරීමේ කටයුතු අද සිදුවූයේය.
2024 නොවැම්බර් 14 පාර්ලිමේන්තු මහ මැතිවරණයේ තැපැල් ඡන්ද නිකුත් කිරීමේ කටයුතු අද දිස්ත්රික් ලේකම් කාර්යාලවල දී සිදුවූයේය.
තැපැල් ඡන්ද සලකුණු කිරීම ඔක්තොම්බර් 30 නොවැම්බර් 1 සහ 4 දින වෙන් කර තිබේ.
