ජනාධිපති සමාව යටතේ බන්ධනාගාර රැඳවියන් නිදහස් කිරීම සම්බන්ධයෙන් විමර්ශනය කරන අපරාධ විමර්ශන දෙපාර්තමේන්තුවේ විමර්ශකයින්, පසුගිය වසර පහක කාලය තුළ ලබා දී ඇති ජනාධිපති සමාව සහ අනෙකුත් පොදු සමාව යටතේ බන්ධනාගාර රැඳවියන් නිදහස් කිරීම පිළිබඳව ගැඹුරු අධ්යයනයක නිරතවෙමින් ඇතැයි මහජන ආරක්ෂක අමාත්ය ආනන්ද විජේපාල පවසයි.
මෙම සතියේ අපරාධ පරීක්ෂණ දෙපාර්තමේන්තුව බන්ධනාගාර 28 හි සියලුම ලේඛන ගබඩා පරීක්ෂා කර මේ රජය වකවානුවේ දී පොදු සමාවන් යටතේ නිදහස් කළ බන්ධනාගාර රැඳවියන් පිළිබඳ පූර්ණ විස්තරයක් ලබාගෙන තිබේ.
ඔවුන්ගේ පරීක්ෂණ මත පදනම්ව, ජනාධිපති සමාව ලබා ඇති රැඳවියන් 37 දෙනෙකු නිදහස් කර නොමැති බව අමාත්ය ආනන්ද විජේපාල උපුටා දක්වමින් සන්ඩේ ටයිම්ස් වාර්තා කර ඇත. නිදහස් කළ යුතුව තිබූ රැඳවියන් 37 දෙනෙකු තවමත් බන්ධනාගාර පද්ධතියේ සිටින්නේ ඔවුන් වෙනුවට වෙනත් අය නිදහස් කළ නිසාදැයි සැක කරන බව ද අමාත්යවරයා පවසා ඇත.
“ජනාධිපති සමාව සඳහා නිර්දේශිත සිරකරුවන්ගේ නම් අඩංගු ලැයිස්තු සකස් කරන්නේ බන්ධනාගාර දෙපාර්තමේන්තුවයි. ඔවුන් ඉදිරිපත් කරන ලැයිස්තුවේ සිටින සෑම සිරකරුවෙකුම නිදහස් නොකර, බන්ධනාගාර දෙපාර්තමේන්තුව වෙනත් සිරකරුවන් නිදහස් කරන බවට තොරතුරු අනාවරණය වෙලා තිබෙනවා. මෙය බන්ධනාගාර දෙපාර්තමේන්තුවට පැවරී ඇති වගකීම් අවභාවිතා කිරීමේ පැහැදිලි අවස්ථාවක්” යැයි අමාත්යවරයා ප්රකාශ කර තිබේ.
මෑතකදී එක් බන්ධනාගාර සිරකරුවෙකු සතුව තිබී ජංගම දුරකථන 23 ක් සොයා ගත් බව අමාත්යවරයා හෙළි කළේය. “බන්ධනාගාර බලධාරීන්ගේ අනුදැනුමකින් තොරව එක් සිරකරුවෙකු සතුව මෙතරම් ජංගම දුරකථන ප්රමාණයක් ඇත්තේ කෙසේද?” ඔහු ප්රශ්න කළේය.
වැරදි සිදු කර ඇති බවට අනාවරණය වූ ඕනෑම නිලධාරියෙකුට එරෙහිව රජය දැඩි පියවර ගන්නා බව ඔහු තවදුරටත් පැවසීය.
