රෝහිත අබේගුණවර්ධනට, ජොන්ස්ටන් ප්රනාන්දුට, නාමල් රාජපක්ෂට ඇමතිකම් නොදී සිටීම සඳහා පොහොට්ටුවෙන් පත් කළ ජනාධිපතිවරයාට කිසිම පදනමක් නැති බැවින් වහාම මේ මන්ත්රීවරුන්ට ඇමතිකම් ලබා දී නව ඇමති මණ්ඩලය පිහිටුවීම ලබන සතිය වනවිට අවසන් කරන ලෙස පොහොට්ටුවේ නාමල් කල්ලිය ජනාධිපති රනිල් වික්රමසිංහ වෙත දැනුම් දී තිබේ.
මේ වනවිට ඇමති ධූර පත් කිරීම සම්බන්ධව බරපතල අප්රසාදයක් ජනතාව තුළ ඇති වී තිබෙන්නේ ජනාධිපතිවරයා ඇමති මණ්ඩලය පත් කිරීම කල් මැරීම නිසා බව ද එම පොහොට්ටු කණ්ඩායම ජනාධිපතිවරයාට පවසා ඇත.
ඔවුන් පවසා ඇත්තේ රාජ්ය ඇමති ධූර පත් කළ වහාම කැබිනට් ඇමති මණ්ඩලයත් පත් කළානම් මේ ප්රශ්නය ඇතිනොවන බවය .
මේ ප්රමාදය ආණ්ඩුව තුළ දෙදරීම් ඇති කරන බවත් දැනමටත් ඒ තත්ත්වයන් පෙන්නුම් කරමින් ඇති බවත් ලබන සතිය අවසන් වනවිට වහාම තීරණයක් ගන්නා ලෙසත් මේ කණ්ඩායම දැඩිව ජනාධිපතිවරයා වෙත දන්වා ඇත.
කෙසේ වෙතත් මේ වනවිට කැබිනට් ඇමති ධූර දරන ඇමතිවරු පස් දෙනෙක් සිය අමාත්යංශවල කොටස් ගලවනවාට ප්රසිද්ධියේ අකමැත්ත ප්රකාශ කර තිබේ.
තවද සමගි ජන බලවේගයේ තිදෙනෙක් සඳහා ඇමතිකම් වෙන් කර තැබීම ගැන ද මෙහි දී ප්රකාශ වී ඇත.
