චීන ජනාධිපති ෂී ජින්පින්ග් තෙවන වරටත් බලයට පත්වීමත් සමඟ එරට ඉතිහාසය වෙනස් කිරීමට සමත්ව ඇත.
ඒ අනුව ජින්පින් විසින් චීන කොමියුනිස්ට් පක්ෂයෙ ඉහළ තනතුරු සඳහා තමන්ට වඩාත් විශ්වාසදායක පිරිසක් පත් කිරීමටද ඔහු පියවරගෙන තිබේ. සතිය කාලයක් පැවති චීන කොමියුනිස්ට් පක්ෂ සම්මේලනයෙන් පසුව ජින්පින් සිය නායකත්වය යලිත් තහවුරු කරගැනීමට සමත්විය.
එම සම්මේලනය සදහා චීන කොමියුනිස්ට් පක්ෂයේ නියෝජිතයින් දෙදහස් තුන්සීයකට වැඩි පිරිසක් එක්ව සිටියහ. ඒ අනුව මෙවර සම්මේලනයේ සුවිශේෂීත්වය වන්නේ චීන කොමියුනිස්ට් පක්ෂයේ නිර්මාතෘ මාඕ සේතුං හැර වෙනත් කිසිඳු පක්ෂ නායයෙකු තුන් වරක් එම පක්ෂයේ නායකත්වයට පත් නොවීමයි.
.ඒ අනුව ජින්පින්ගේ පත්වීමත් සමඟ චීන හිතවාදී රටවල් වන රුසියාවේ ජනාධිපති පුටින්, උතුරු කොරියාවේ නායක නේ උන් සිය සුබ පැතුම් එක්කර තිබේ.
චීන කොමියුනිස්ට් පක්ෂයේ කොන්ග්රසය අවසන් වී දිනකට පසු ඉරිදා, ෂී මහතා දේශපාලන මණ්ඩලයේ ස්ථාවර කමිටුවේ අනෙකුත් පුද්ගලයින් හය දෙනා බෙයිජිං හි මහජන මහා ශාලාවට පැමිණ නව දේශපාලන මණ්ඩලය කටයුතු ආරම්භ කලහ.
ඒ අනුව මෙම කණ්ඩායම චීන කොමියුනිස්ට් පක්ෂයේ ඉහළම ස්ථානයේ වාඩි වී සිටින අතර එය කැබිනට් මණ්ඩලයට සමාන වන අතර චීනයේ ඉදිරි කටයුතු පිළිබඳ මෙම පිරිස වැදගත් තීන්දු රැසක් ගනු ඇති බවටද විශේලේෂකයින් සඳහන් කරයි.
මෙම අවස්ථාවේදී ජින්පින් ජනාධිපතිවරයා විසින් සිය කණ්ඩායම හඳුන්වා දීමෙන් පසු, ඔහු පක්ෂය ඔවුන් කෙරෙහි තැබූ විශ්වාසයට ස්තූති කරමින් කෙටි කතාවක් පැවැත්වීය, “සෑම පැත්තකින්ම චීන ජාතියේ මහා පුනර්ජීවනය” සාක්ෂාත් කර ගැනීමටද පොරොන්දු විය.
මෙම නව දේශපාලන මණ්ඩලයේ ස්ථාවර කමිටුවේ දූෂණ විරෝධී ප්රධානියා වන ෂාඕ ලෙජි සහ දේශපාලන න්යායාචාර්ය වැන්ග් හුනිං හැර සෙසු පිරිස එම මණ්ඩලයට අලුතින්ම පත්වූ පිරස් වීමද විශේෂත්වයකි.
කෙසේ වෙතත් මෙහිදී නිරික්ෂණය වූ සුවිශේෂීම කාරණය වන්නේ චීනයේ දෙවැනියා වන අග්රාමාත්ය ලී කෙකියැන්ග් මෙම මණ්ඩලයට ඇතුලත් නොවීමයි. චීන කොමියුනිස්ට් පක්ෂයේ ස්ථාවර කාරක සභාව කාලසීමාවකින් පසු සංශෝධනය වීම සමාන්ය කාරුණක් වුවද අග්රාමත්යවරයා ඉන් ඉවක් කිරීම සුවිශේීෂ කාරණයකි.
ජින්පින් ජනාධිපතිවරයාගේ මෙම පියවර මගින් පෙනීයන්නේ තමන්ගේ ඉදිරි ගමනට යම් හෝ බාධාවක් ඇතිවෙතැයි හැඟීයන පිරිස් ඉවත් කිරීමට පියවරගෙන ඇති ආකාරයයි.
ඒ අනුව ඇතැම් විශ්ලේෂකයින් පවසන්නේ ජිනිපින් ජනාධිපතිවරයා මේවන විට මාඕ සේතුං තරමටම බලවත් වී ඇති බවයි.
