ලලිත් චාමින්ද –
රසායනික,පොහොර වර්ග, හා වෙනත් කෘෂි රසායනික ද්රව්ය වැනි කෘෂිකාර්මික යෙදවුම් තහනම් කිරීමේ තීන්දුව හේතුවෙන් 2016/17 මහකන්නයට පසුව මෙරට වාර්තා වූ අඩුම වී නිෂ්පාදනය 2021/2022 මහකන්නයේ දි වාර්තා වි ඇති බැවත් එම ප්රමාණය වී මෙට්රික් ටොන් මිලියන 1.9ක් බවත් ශ්රි ලංකා මහබැංකුව විසින් නිකුත්කොට ඇති වාර්තාවක සඳහන් වේ.
2020/2021 මහ කන්නයේ දි වී, මෙට්රික්ටොන්, මිලියන 3.1ක ඉහළ අස්වැන්නක් වාර්තාකොට තිබුණි. එයට සාපේක්ෂව 2021/2022 මහකන්නයේ දි වී නිෂ්පාදනය සියයට 36.9කින් පහත වැටි ඇති බවද මහ බැංකුව විසින් නිකුත්කොට ඇති වාර්තාවේ සඳහන් වේ.
එමෙන්ම මෙම වර්ෂයේ පළමු භාගය තුළ එළවළු නිෂ්පාදනය ද සියයට 6.5කින් පහත වැටි තිබුණි. එමෙන්ම වර්ෂයේ අගෝස්තු මාසයෙන් අවසන් වු මාස 08ක කාලය තුළදි තේ, හා රබර් නිෂ්පාදනය ඉකුත් වර්ෂයේ (2021) මෙම කාලසීමාවට වඩා පිළිවෙළින් සියයට 19.2කින්, සියයට 13.8කින් පහල යනු ලැබීය.
වගාකටයුතු සඳහා අවශ්ය පොහොර ප්රමාණවත් පරිදි නොලැබිම නිසා, වී,තේ, සහ එළවළු භෝග වල අස්වැන්න සැලකිය යුතු ලෙස අඩුවු අතර මේ නිසා මෙම වර්ෂයේ පළමු භාගය තුළ කෘෂිකාර්මික කටයුතු වල වර්ධනය අඩාල වු බවද මහ බැංකු වාර්තාවේ සඳහන් වේ.
එමෙන්ම ලෝක වෙළදපොළේ, රසායනික පොහොර මිල ඉහළයාම, ආදි හේතු නිසා වාර්ෂික පොහොර අවශ්යතාවයට සාපේක්ෂව, පවතින රාසායනික පොහොර ප්රමාණය සැලකිය යුතු ලෙස අඩු මට්ටමක පවතින බවද මහබැංකු වාර්තාවේ සඳහන් වේ.
මේ නිසා අස්වැන්න අඩුවිම, ගොවි ප්රජාවගේ ජිවනෝපාය හා මෙරට ආහාර සුරක්ෂිතතාවය ආදිය පිළිබද ගැටළු තවදුරටත් වර්ධනය වනු ඇති බවද එම වාර්තාවේ වැඩිදුරටත් සදහන් වේ.
