ලලිත් චාමින්ද –
මෙරට පොල්තෙල් නිෂ්පාදනය ඉකුත් වර්ෂයේ දී (2023) සියයට 53.1කින් සැලකිය යුතු ලෙස පහත වැටී ඇති බව මුදල්, ආර්ථික ස්ථායීකරණ හා ජාතික ප්රතිපත්ති අමාත්යංශය විසින් 2023 වර්ෂයට අදාළව නිකුත්කොට ඇති වාර්ෂික වාර්තාවේ සදහන් වේ.
2023 වර්ෂයේ දී නිෂ්පාදනය කොට ඇත්තේ පොල්තෙල් මෙට්රික්ටොන් 22546 කි. 2022 වර්ෂයේ දී පොල්තෙල් මෙට්රික් ටොන් 48,069ක් නිෂ්පාදනය කොට තිබූ අතර ඒ අනුව 2022 වසරට සාපේක්ෂව 2023 වර්ෂයේ දී පොල්තෙල් නිෂ්පාදනය මෙට්රික්ටොන් 25,523කින් අඩුවී ඇත.
පොල්තෙල් නිෂ්පාදනය පහත වැටීම නිසා ඉකුත් වර්ෂයේ දි මෙරටට ආහාර පිසීම සඳහා ආනයනය කරනු ලැබූ තෙල් ප්රමාණය සියයට 130 කින් වර්ධනය වී ඇති බවද මෙම වාර්තාවේ සඳහන් වේ.
ඉකුත් වර්ෂයේ පොල් නිෂ්පාදනය ද සියයට 6.5 කින් අඩුවී තිබුණි. 2022 වර්ෂයේ පොල් මිලියන 3,391ක් නිෂ්පාදනය කොට තිබූ අතර 2023 වර්ෂයේ දී පොල් නිෂ්පාදනය පොල් ගෙඩි මිලියන 3170 දක්වා පහත වැටී ඇත. වසර දෙකක පමණ කාලයක සිට පොහොර යෙදීම සීමා කිරීම නිසා ශාක සඳහා ප්රමාණවත් පෝෂණයක් නොලැබීම හේතුවෙන් පොල් නිෂ්පාදනය අඩුවී ඇති බවද මෙම වාර්තාවේ සඳහන් වේ.
