ලලිත් චාමින්ද
ධාරාණිපාත වර්ෂාවත් සමග ගිංගගේ ජල මට්ටම වේගයෙන් වැඩිවි ගිංගඟ පිටාරයාමෙන් බද්දේගම, නාගොඩ, කුරුපනාව, උනන්විටිය, මාපලගම යන ප්රදේශ ජලයෙන් යටවි ඇත.
අද උදැසන වනවිට ගිංගගේ බද්දේගම ජල මාපකයේ ජලමට්ටම මිටර් 4.79. දක්වා වැඩිවි ඇති බව ගිංගග වාරිමාර්ග ඉංජිනේරු කාර්යාලය පවසයි.
ගිංගඟ පහල නිම්නයේ බද්දේගම ප්රදේශය මේ වනවිට මහ ගංවතුර මට්ටමකට ආසන්න වෙමින් පවතින බවද වාරිමාර්ග ඉංජිනේරු කාර්යාලය පවසයි.
ගිංගඟ ඉහත්තාවේ තවලම ජල මාපාකයේ ජලමට්ටමද 4.80 දක්වා වැඩිවි ඇති අතර බද්දේගම නාගොඩ ප්රධාන මාර්ගයේ හා නාගොඩ පිටිගල ප්රධාන මාර්ගයේ ස්ථාන කිහිපයක් ජලයෙන් යටවි ඇති අතර මෙම තත්වය නිසා මෙකි මාර්ගවල ගමනාගමන කටයුතු ද නතර වි ඇත.
බද්දේගම ප්රදේශයේ නිවාස රැසක් ජලයෙන් යටවි ඇති අතර ඕපාත, හෝළුවාගොඩ යන ගම්මානවලට යන මාර්ග ද ජලයෙන් යටවි ඇති බැව් එම ප්රදේශවල ජනතාව පවසති.
එමෙන්ම පොල්අතුමෝදර ඇළ පිටාර ගැලිම නිසා ඉමදුව වල්පොල වාඩිය වත්ත යන ප්රදේශ ජලයෙන් යටවි ඇත. ඕපාත ප්රදේශයේ ගොවින්ගේ අස්වැන්න නෙලිමට ඇති වි වගාබිම් දැනට මාසයක පමණ සිට ජලයෙන් යටවි ඇති බව ගොවිහු පවසති.
වගා හානි සදහා වන්දිමුදල් ලබාදිමට තොරතුරු රැස්කිරිමේ දි වගා කාලසටහන පිළිබද අවධානය යොමුකොට වන්දි මුදල් ලබාදීම ප්රමාද කරමින් සිටින බවද ගොවිහු පෙන්වාදෙති.
