ඉන්ධන ලබා ගැනීමට පැමිණ ගාලු පොලිසියේ කෂඩයෙක් විසින් බැන පන්නා ගත් රුසියානු – යුක්රේන සමාගමක අධ්යක්ෂවරියක වූ ඩෙන්මාර්ක් – යුක්රේන් ද්විත්ව පුරවැසි භාවය සහිත සංචාරක කාන්තාව මේ වනවිට ගාල්ලේ කලුවැල්ලෙහි තෙල් පෝලිමක ගත කරමින් සිටී.
ඇය ටෝනියා මොලර් (Tonnia moller) ය. ඇය රුසියාව මුල් කරගත් MTI නැමැති ආයතනයේ රුසියානු හා යුරෝපා කලාප භාර අධ්යක්ෂවරික ලෙස කටයුතු කරන්නීය. ලංකාවේ සංචාරයක නිරත වෙමින් සිටිය දී ඉන්ධන ලබා ගැනීමට ගිය ඇයට ගාලු පොලිසියේ අශිෂ්ට නිලධාරියෙක් බැණ පන්නා ගත්තේය.
ඊයේත් අදත් ඉන්ධන ලබා ගැනීමට ගිය ඇය පවසා සිටින්නේ ආරක්ෂක අංශ විදේශිකයන් කියා විශේෂ සැලකිලි නැති බැවින් පෝලිමේ පැමිණ ඉන්ධන ලබා ගන්නා ලෙස දන්වා සිටි බවය.
පෙට්රල් ලීටර තුනක් ලබා ගැනිම සඳහා කිලෝ මිටර තුනක් පෝලිමේ සිටින බවත්, ඒ අතර දෙපැයක් විදුලිය විසන්ධි වූ බවත් ඇය කියන්නීය.
අවසානයේ බොහෝ අසීරුවෙන් ටෝනියා දුරකථනය ඔස්සේ සම්බන්ධ කරගැනීමට ලංකාසර අපට හැකි විය. ඇය කළුවැල්ල ඉන්ධන පොලිමේ බෙහෙවින්ම විඩාපත්ව සිටියාය.
“මාසයක් ලංකාවෙ ඉන්න ඇවිත් තියෙන්නෙ. මට පුදුමයි.. මට ඉන්ධන ලීටර දෙකක් දෙන්න මිනිස්සු විරුද්ධ වුනා… මාව වට කළා. මම විදේශිකයෙක් නිසා මට ඉන්ධන දුන්නෙ නෑ. මිල්ටරි අංශ මාව පන්න ගත්තා…“
“ලංකාවට අපි ආවෙ මෙහෙම අත්දැකීමක් බලාගෙන නොවෙයි.. අපි ලංකාවට උදව් කරන අදහසින් ආවෙ. එහෙම ආපු අපිට මෙහෙමයි මේ රට සලකන්නෙ..
මම කළුවැල්ලෙ ෂේඩ් එකේ පෝලිමට එන විට වෙලාව උදේ 10.45යි. දැන් 1.45යි. පැය 03ක් පෝලිමේ. මේ තරම් දෙයක් සමාජ මාධ්ය ඔස්සේ කතා කරලත් මට කිසිම කෙනෙක් මේ වනතුරු කතා කළේ නෑ.“ ඇය අපට කීවේ එවැනි කතාවකි.
හොදින් බලන්න…. මේ ඇයට බැණ පන්නා ගත් ආකාරයයි….
කෂඩ පොලිස්“ “ටුවරිම්“ කුඩු කරයි… සංචාරක සංවර්ධන ප්රධානියා පොලිස්පතිට ලියයි…
