සමන්තිකා වීරවර්ධන –
ඇස්ට්රාසෙනෙකා එන්නත සම්බන්ධයෙන් ලෝකයේ විවිධ රටවල කරන ලද පර්යේෂණයන්ගේ ප්රතිපලයන් හේතුවෙන් එන්නතේ දෙවන මාත්රාව ලබා ගැනීමට මෙරට සෞඛ්ය කාර්ය මණ්ඩලයේ බොහෝ පීරිසක් බිය පලකරන බව මහජන සෞඛ්ය පරික්ෂකවරුන්ගේ සංගමය සඳහන් කරයි.
මෙම එන්නත භාවිතයෙන් ඇතැම් රටවල පුද්ගලයින්ගේ රුධිරය කැටි ගැසීමට ලක්වූ බවත් ඉන් ඇතැම් පිරිසක් මිය ගොස් ඇති බවටත් හෙළිදරව් වීම හා ඇතැම් රටවල පුද්ගලයින්ට විවිධ සංකූලතාවන් මතුව ඇති බවටත් තොරතුරු ප්රසිද්ධ කිරීමත් සමග සෞඛ්ය කාර්ය මණ්ඩල තුළ මෙවැනි තත්ත්වයක් නිර්මාණය වී අතැයි සංගමයේ සභාපති උපුල්රෝහණ පෙන්වාදේ.
මේ අනුව සෞඛ්ය අමාත්යංශය මේ සම්බන්ධයෙන් වහාම පරික්ෂණයක් ආරම්භ කර එන්නතේ සැබෑ තත්ත්වය පැහැදිලි කරන මෙන්ද සංගමය ඉල්ලීමක් කරයි.
කෙසේ නමුත් ඇස්ට්රාසෙනිකා එන්නතේ දෙවන මාත්රාව අප්රේල් 12 වන දින වන විට ලබා දීම ආරම්භ කළ යුතු වුවද එය තවමත් ආරම්භ කර නොමැති බවත් එම එන්නතේ දෙවන මාත්රාව ලබා දීම ආරම්භ කිරිම සඳහා අවශ්ය එන්නත් ලබා ගැනීමට කටයුතු කරන ලෙසත් සංගමය සෞඛ්ය අමාත්යංශයෙන් ඉල්ලීමක් කරයි.
