ගම්පොල රෝහලේ කාර්ය මණ්ඩලය සහ රෝගීන් මාස දෙකක් තිස්සේ මිනියක් දියවුණු වතුර පානය කළ පුවතක් ගම්පොල රෝහල් ආරංචි මාර්ග හෙළි කරයි.
වාර්තාවන පරිදි සිද්ධිය මෙසේය.
මීට මාස දෙකකට පමණ පෙර කොවිඩ් ආසාදිත රෝග ලක්ෂණ සහිතව පුණ්ඩලුඔය ප්රදේශයේ පදිංචි පොලිස් සැරයන්වරයෙක් ගම්පොල රෝහලට ප්රතිකාර සඳහා ඇතුළු කර ඇත.
එහෙත් දින කීපයකින් රෝගියා අතුරුදහන් වී තිබේ. ඔහු පිළිබඳව කිසිම තොරතුරක් වාර්තා වී නැත.
මේ අතර අඩි හතලිහක් පමණ උසින් ඇති රෝහලේ වතුර ටැංකිය අවටින් සති කීපයක සිට දුර්ගන්ධයක් පැතිරෙමින් තිබෙන බව රෝහල් කාර්ය මණ්ඩලය කළ දැනුම් දීමකට අනුව රෝහලේ වතුර ටැංකිය පරීක්ෂා කර ඇත.
එහිදී කුණු වීයවී ගොස් ඇති පොලිස් සැරයන්වරයාගේ මළ සිරුර ඊයේ (29) සවස සොයාගෙන තිබේ.
සති ගණනක් මේ කොවිඩ් ආසාදිතයැයි සැක පුද්ගලයාගේ මළ සිරුර දියවූ ජලය රෝහල් පරිශ්රයේ පරිභෝජන කටයුතු සඳහා යොදාගෙන තිබේ.
මෙය සිය දිවි හානි කරගැනීමක් යැයි සැක පහළ වී ඇත. සිද්ධිය ගැන පරීක්ෂණ පැවැත්වෙමින් තිබේ.
