ලලිත් චාමින්ද –
කෘෂිකාර්මික හා ගොවිජන රක්ෂණ මණ්ඩලය විසින් රක්ෂණ භාර අරමුදල සමඟ ඇතිකරගෙන තිබූ ප්රතිරක්ෂණ ගිවිසුම අහෝසි කිරීම නිසා රුපියල් මිලියන 163.6ක අලාභයක් කෘෂි රක්ෂණ මණ්ඩලයට වී ඇති බැව් ජාතික විගණන කාර්යාලය මගින් 2020 වර්ෂයට අදාළව නිකුත් කළ වාර්ෂික විගණන වාර්තාවේ සඳහන් වේ
ප්රතිරක්ෂණ ගිවිසුම අනුව 2019 වර්ෂයේ යල කන්නයේ එක් ගොවියකු සඳහා වාර්තාගත විය හැකි මුළු වන්දි වටිනාකමෙන් මුල් රුපියල් 10000 ක ගෙවීම සඳහා රක්ෂණ භාර අරමුදල වෙතින් රුපියල් මිලියන 312ක හිඟ මුදලක් ලබා ගත යුතුව තිබුණි.
එම හිඟ මුදල ලබා ගැනීම වෙනුවට 2020 වර්ෂයේදී ගිවිසුම අහෝසි කර රුපියල් මිලියන 148.3ක් පමණක් ලබා ගැනීම නිසා කෘෂි රක්ෂණ මණ්ඩලයට රුපියල් මිලියන 163.6ක් අලාභයක් වී ඇති බව විගණන වාර්තාවේ සඳහන් වේ .
