කීර්ති ප්රනාන්දු –
කුකුළුමස් කිලෝව රුපියල් 1080ක් වැනි මිලකට මිල නියම කිරීමට යෝජනා කිරීම අතේ පාඩුවට ගත් තීරණයක් බවත්, කර්මාන්තයත් පාරිභෝගිකයත් දෙපිරිසම පිළිබඳ සලකා බලා එම තීරණයට එළඹෙන්නේ කර්මාන්තයෙන් ඇති අමුතු ලාභයක් නිසා නොවන බවත් ජාතික සත්ව නිෂ්පාදකයින්ගේ එකමුතුවේ කැඳවුම්කරු සුජීව ධම්මික පවසයි.
ඔහු පෙන්වා දෙන්නේ විශාල ලෙස පැතිරී ඇති මෙම කර්මාන්තය අද පවතින බිහිසුණු තත්ත්වය තුළ එළඹෙන උත්සව සමයේ දී ආණඩුව කුකුළුමස් රටින් ආනයන කළහොත් කර්මාන්තය මුළුමනින්ම වැළලෙන බවත් එය වළක්වා ගැනීම වෙනුවෙන් මෙම අසීරු තීන්දුවට එළඹුන බවත්ය.
මේ තීන්දුව වෙළෙඳපලේ ක්රියාත්මක වන ආකාරය සම්බන්ධව තමන්ට අවබෝධයක් නැති බව ප්රකාශ කළ කැඳවුම්කරු මධ්ය පරිමාණ කුඩා පරිමාණ ගොවිපල හිමියන් ඇතිකරන මේ සංවාදයට මහා පරිමාණ ව්යාපාරිකයන් ද අනුගත වුවහොත් එය පාරිභෝගිකයාට සහනයක් වනු ඇති බවය.
එහෙත් වැඩි මිලට යෙදවුම් රැගෙනවිත් කර්මාන්තය පවත්වාගෙන යන මහාපරිමාණ ගොවිපල හිමියන් මිල ස්ථාවර මට්ටමක පවත්වාගෙන යන්නට උත්සාහ කරන බව ද ඔහු පෙන්වා දුන්නේය.
“අපි සාකච්චා මට්ටමේ ඉන්නවා. නිශ්පාදකයා හා පාරිභෝගිකයා ආරක්ෂා කරමු කියලා. සත්ත්ව නිශ්පාන වැඩිපුරම සිදුවෙන්නෙ වයඹ පලාතෙ. අපි පත්වෙලා ඉන්න තත්ත්වය කවුරුත් තක්සේරු කරලා නෑ. බඩඉරිඟු නිශ්පාදනය අඩුවුනා. ආනයනික බඩඉරිගු නෑ. අස්වැන්න අඩු නිසා සහල් කුරුට්ට නෑ. අනායනික හාල් ගෙනත් ඒ අඩුව පුරව ගත්තා. ඒත් අපට වෙච්චි දේ තක්සේරු කළේ නෑ. මේ තත්ත්වය උඩ බිඳ වැටී තිබෙන කර්මාන්තය නැත්තටම නැති වෙනවා එළඹෙන මාස කීපයෙදී රටින් මස් ආනයනය කලොත්..“
අපි මේ කර්මාන්තයට විශාල භෞතික වටිනාකමක් දීලා තියනවා. මෙවලම් අරන්. යටිතල පහසුකම් ඇති කරලා. ඉඩම් බදු අරන්… එහෙමයි මේ ව්යාපාරය කරන්නේ. අපට වහාම වෙනත් ව්යාපාරයකට දැන් මාරු වෙන්න බෑ.“
“ මේ තීරණය ගත්තේ දීර්ඝ කාලීනව කර්මාන්තය ගැන කල්පනා කරලා. ඒක මේ අවස්ථාවේ දී ඉතාම අසීරු තීන්දුවක්.“
ජාතික සත්ව නිෂ්පාදකයින්ගේ එකමුතුවේ කැඳවුම්කරු සුජීව ධම්මික කීවේය.
.
