මනම්පිටිය නිමල් ජයරත්න –
පොලොන්නරුව වැලිකන්ද කන්දකාඩු පුනරුත්ථාපන මධ්යස්ථානයෙන් පැනගොස් සිටි රැඳවියෙකු රෝහල් ගත කිරීමෙන් අනතුරුව අද (12 ) අළුයම මිය ගොස් ඇතැයි වැලිකන්ද පොලිසිය කියයි.
දැනට බුද්ධි අංශ සැක කරන්නේ මේ තැනැත්තා කැලෑවට වැදීමෙන් අනතුරුව නිසි ආහාරයක් හෝ ජලය නොමැති වීම නිසා ඇති වූ තත්ත්වයන්ට ඔරොත්තු දිය නොහැකිව මේ අවාසනාවන්ත ඉරණමට ගොදුරු වන්නට ඇති බවය.
මෙසේ මියගොස් ඇත්තේ කඩුවෙල රත්ගහවත්ත අංක 42/2 ලිපිනයේ පදිංචි ආර්.මොහාන් කුමාර නැමැත්තෙකි.
ඔහු පසුගිය 07 වෙනිදා රාත්රි ඇතිවූ සිද්ධියත් සමග කඳවුරෙන් පැන කැලයට වැදි ඇත. පසුව පෙරේදා (10) මෙම පුද්ගලයා ත්රිකෝණමඩුව මාර්ගයක් අසල අසාධ්ය තත්තවයෙන් සිහි සුන්ව වැටී සිටියදී ආරක්ෂ අංශවලට හමුවීමෙන් පසු රෝහල්ගත කර තිබේ.
මෙම මරණය පිළිබඳ පශ්චාත් මරණ පරික්ෂණය අද (12) වෙනිදා සිදු කිරිමට නියමිත බවද පොලිසිය පවසයි.
කන්දකාඩු සිද්ධියෙන් පැනගිය රැඳවියන් 11 දෙනෙක් තවදුරටත් අතුරුදන්ව ඇති අතර ඔවුන් සොයා ආරක්ෂක අංශ මෙහෙයුම් ක්රියාත්මක කර ඇති බව කන්දකාඩු පුනුරුත්ථාපන මධ්යස්ථානයේ හමුදා නිලධාරීයෙකු අප කළ විමසීමකදී කීය.
