කැමරාව ඉදිරියේ ස්වකීය නිරුවත පෙන්වමින් වැඩිහිටියන්ට පමණයක් සීමා වූ චිත්රපට ගණනාවක රඟ පෑ දැනට මැදිවියේ පසුවන නිළියක වන තනූජා වීරසූරිය විසින් පවත්වාගෙන ගිය රූපවාහිනී සහ වෙළෙඳ දැන්වීම් සඳහාත් නිරූපණය කාර්යය සඳහාත් පෙනී සිටිනා සුරූපී තරුණියන් සම්බන්ධීකරණය කරමින් සිදුකරන ජංගම ගණිකා නිවාසයක් ගණිකා සේවයේ යොදවනු ලැබූ පිරිස සමගම අත් අඩංගුවට ගැනීමට වළාන දූෂණ මර්ධන ප්රහාරක ලබකාය අද (12) සමත් වූයේය.
වලාන මධ්යම දූෂණ මර්ධන ප්රහාරක බලකායේ ස්ථානාධිපති ප්රධාන පොලිස් පරීක්ෂක ඉන්දික වීරසිංහ වෙත ලද තොරතුරකට අනුව ප්රධාන පොලිස් පරීක්ෂක මහේන්ද්ර ඇතුලු විශේෂ පොලිස් කණ්ඩායමක් යොදවා සිදුකළ වැටලීමකදී මෙම නිලිය ඇතුලු ගණිකා වෘත්තියේ යෙදවීමට සිටි කාන්තාවන් හතරදෙනෙකු මොරගහහේන කෝරලයිම දෙමටහැත්ත ප්රෙද්ශයේදී අත්අඩංගුවට ගෙන වැඩිදුර විමර්ශන කටයුතු සඳහා මොරගහහේන පොලිස් ස්ථානය වෙත ඉදිරිපත් කර ඇත.
උපාය දූතයෙකු ලෙස පොලිස් සැරයරන්වරයෙක් යොදවා මෙම ගණිකා කණ්ඩායම මොරගහහේන කෝරලයිම දෙමටහැත්ත ප්රදේශයට ගෙන්වා ගෙන අත් අඩංගුවට ගැනීමෙන් අනතුරුව මෙම නිළිය විසින් කාලයක් තිස්සේ ඉතා රහසිගතව පවත්වාගෙන ගිය ජංගම ගණිකා ජාවාරම පිළිබඳව තොරතුරු අනාවරණය කරගැනීමට හැකි වී තිබිණි.
සිය වට්ස්ඇප් යෙදුම හරහා මෙම ජාවාරම සිදුකර ඇති ඇය සමාජයේ ඉහළ තළයේ ධනවත් පුද්ගලයින්ගේ සාද ඇතුළු විවිධ ඉසව් සඳහා රුපියල් 50,000කට වැඩි මිළ ගණන්වලට ඇය විසින් තරුණියන් සපයා තිබිණි.
අත්අඩංගුවට ගන්නා ලද කාන්තාවන් වයස අවු 25 ත් 45 ත් අතර වයස්හි පසුවන ගම්පහ, අම්පාර, බොරලැස්ගමුව, මාතර, බියගම යන ප්රදේශවල පදිංචිකාරියන්ය. මෙම ජංගම ගණිකා ව්යාපාරය පවත්වාගෙන ගිය නිළිය සමාජයේ ඉහළ ධන කුවේරයන් අතර ප්රචලිත වී ඇත්තේ ඔවුන් සමග මත්පැන් සහ මත්ද්රව්ය භාවිතා කරමින් ඔවුන් සන්තර්පනය කිරීම මෙන්ම ක්ෂේත්රයේ ඇතැම් ප්රසිද්ධ නිලියන් ධවතුන්ගේ ලිංගික කටයුතු සදහා සම්බන්ධීකරණය කිරීම නිසා බව ද පොලිසිය හෙළි කරගෙන ඇත.
