ශ්රි ලංකා ක්රිකට් ක්ෂේත්රයේ ඇති ගැටලු නිරාකරණය සඳහා ක්රීඩා ඇමති රොෂාන් රණසිංහ නැති කැබිනට් අනුකමිටුවක් පත් කිරීමට අද (06) පැවති අමාත්ය මණ්ඩල රැස්වීමේ දි තීරණය කර ඇත.
විදේශ කටයුතු අමාත්ය ජනාධිපති නීතිඥ අලි සබ්රිගේ සභාපතිත්වයෙන් පත් කර ඇති මෙම කැබිනට් අනු කමිටුවට විදුලි බල හා බලශක්ති ඇමති කාංචන විජේසේකර, මහජන ආරක්ෂාව පිළිබඳ ඇමති ටිරාන් අලස්, කම්කරු හා විදේශ කටයුතු අමාත්ය මනුෂ නානායක්කාර, සෙසු සාමාජිකයන් ලෙස නම් කර ඇත.
ශ්රී ලංකා ක්රිකට් ක්රීඩාවේ උද්ගත වී ඇති ගැටලු විසඳීම සඳහා කඩිනම් ක්රියාමාර්ග නිර්දේශ කිරීම මෙම අනුකමිටුවේ වගකීම වේ.
හිටපු ප්රවීන ක්රිකට් ක්රීඩකයන්ගේ ද අදහස් ලබා ගනිමින් වත්මන් තත්ත්වය පිළිබඳ විමර්ශනය කිරීමට සහ අදාළ පාර්ශවකරුවන් සමග සහයෝගයෙන් කටයුතු කිරීමට කැබිනට් අනු කමිටුව විසින් කටයුතු කරනු ලැබේ.
මීට අමතරව ජනාධිපති ලේකම්වරයා විසින් පත් කරනු ලබන ජනාධිපති අතිරේක ලේකම්වරයෙක් මෙම කැබිනට් අනු කමිටුවේ ලේකම්/කැඳවුම්කරු ලෙස ක්රියා කරනු ඇති බව ජනාධිපති මාධ්ය අංශය නිවේදනය කරයි.
තවද මෙම කමිටුවේ සාකච්ඡා සඳහා අවශ්ය යැයි සලකන ඕනෑම නිලධාරියෙකුගේ හෝ අදාළ ක්ෂේත්රයේ ප්රවීණයෙකුගේ සේවය ලබා ගැනීමට ද අමාතය මණ්ඩලය විසින් මෙම අනු කමිටුව වෙත බලය පවරා ඇතැයි ජනාධිපති මාධ්ය අංශය කියයි.
