(ලලිත් චාමින්ද)
ගාල්ල කරාපිටිය ශික්ෂණ රෝහලට ඇතලත් කිරිමෙන් පසු මියගිය ගාල්ල බන්ධනාගාරයේ රැදවියකුට හා හෘද රෝග ඒකකයට ඇතලත් කිරිමෙන් පසු මියගිය කාන්තාවකට කොරෝනා වෛරසය ආසාදනය වි ඇති බවට අද (23) තහවුරු වී තිබේ.
ගාල්ල කරාපිටිය ශික්ෂණ රෝහලේ අධිකරණ වෛද්ය කාර්යාලය මේ බව තහවුරු කළේය.
මිනිමරුම් චෝදනාවක් සම්බන්දයෙන් මියගිය රැදවියා ගාල්ල බන්ධනාගාරගතව සිට ඇත.
ඔහුගේ ශරිරයේ තිබු තුවාල නිසා ඇතිවු රෝගි තත්වයක් හේතුවෙන් මෙම රැදවිය ඊයේ රාත්රි ගාල්ල කරාපිටිය ශික්ෂණ රෝහලට ඇතුලත්කොට ඇත.
රෝහලට ඇතුළත් කරන විටත් මෙකි රැදවියා මියගොස් සිටි බව රෝහල් ආරංචි මාර්ග සදහන් කරයි.
මෙකි රැදවියා 60 හැවිරිදි වියේ පසුවන වුඩ්ලන්ඩ්වත්ත ගොනාපිනුවල ප්රදේශයේ පදිංචිකරුවෙකි.
මෙකි රැදවියා සම්බන්දයෙන් කළ පි.සි.ආර් පරික්ෂණයේ දි ඔහුට කොරෝනා වෛරසය ආසාදනය වි ඇති බවට තහවුරුවි ඇති බවද කරාපිටිය රෝහලේ අධිකරණ වෛද්ය අංශය පවසයි.
මේ අතර හෘද රෝගයකින් පෙළුනු කාන්තාවක් ඊයේ කරාපිටිය ශික්ෂණ රෝහලේ හෘද රෝග ඒකකයට ඇතුලත් කිරිමෙන් පසු මියගොස් ඇත. එම කාන්තාව 52 හැවිරිදිවියේ පසුවන අලුත්වල ප්රදේශයේ පදිංචිකාරියකි. මෙකි කාන්තාව මිය යාමෙන් පසු කළ පි.සි.ආර් පරික්ෂණයේ දි මෙකි කාන්තාවටද කොරෝනා වෛරසය ආසාදනය වි ඇති බවට තහවුරුවි ඇති බවදස අධිකරණ වෛද්ය කාර්යාලය පවසයි.
මියගිය අයගේ පශ්චාත් මරණ පරික්ෂණ අද (23) කරාපිටිය හික්ෂණ රෝහලේ දි පැවැත්විමට නියමිතව ඇත.
