කීර්ති ප්රනාන්දු –
රුපියල් 300ක් නොමැති වීම හේතුවෙන් කටුනායක ගුවන්තොටුපළේදී පෝටර්වරයෙකුට පහර දුන් ප්රසන්න රණවීර අමාත්යවරයාට රුපියල් 300 ක් මනි ඕඩරයක් මගින් යැවීමට ගාල්ල කරන්දෙනිය අපේ දහම් පදනමේ සභාපති ප්රියන්ත විජය වික්රම ඇතුළු තරුණයින් පිරිසක් අද (18) කටයුතු කළේය.
කරන්දෙනිය මහා ඒ දණ්ඩ ප්රධාන තැපැල් කාර්යාලයට ගොස් ඇති ඔවුන් අමාත්ය ප්රසන්න රණවීරට ලබාදීම සඳහා එම රුපියල් 300ක මනි ඕඩරය පාර්ලිමේන්තුවේ කතානායකවරයා හට යැවීමට කටයුතු කර තිබිණ .
ඉකුත්දා අමාත්යවරයා විසින් ගුවන්තොටුපළේදී පෝටර්වරයෙකුට පහරදීම තමන් දැඩි පිළිකුලෙන් යුතුව හෙලා දකින බවත් පෝටර්වරයාට ලබාදීමට රුපියල් 300ක් නොමැති අමාත්යවරයා හට තම පදනම තරුණ පිරිස හා එක්ව රුපියල් 300 ක මනි ඕඩරයක් යැවීම සිදුකළ බව පවසන සභාපතිවරයා මෙම රුපියල් 300 එම පෝටර්වරයාට ලබාදීම සඳහා අමාත්යවරයා වෙත යැවීමට තීරණය කළ බවද ඔහු පැවසීය
