කටාර් රාජ්‍ය සංක්‍රමණික කම්කරු නීති වෙනස් කරයි

කටාර් රාජ්‍යය සිය සක්‍රමණික කම්කරු නීතිවල වෙනසක් සිදු කර තිබේ.

සංක්‍රමණික සේවකයින්ට රැකියා වෙනස් කිරීමට පෙර ඔවුන්ගේ සේවා යෝජකයන්ගේ අවසරය ලබා ගත යුතු නීති රීති අවලංගු කිරීම ඉන් එකකි.

පළමු සංශෝධනය මගින් අවස්ථාව සලසා ඇත්තේ රැකියා වෙනස් කිරීමට පෙර සංක්‍රමණික සේවකයන් තම සේවායෝජකයින්ගෙන් ලබා ගත යුතු අසාධාරණ ‘කෆලා ක්‍රමය’ හෙවත් “විරෝධතා සහතිකයක්” අවශ්‍යතාවය අහෝසි කිරීමයි.

දැන්, කම්කරුවන්ට වසර දෙකකට අඩු කාලයක් සේවය කර ඇත්නම් මාසයක දැනුම් දීමේ කාල සීමාවක් ද, වැඩි කාලයක් වැඩ කර ඇත්නම් මාස දෙකක දැනුම් දීමේ කාල සීමාවක් ද සේවා අවසන් කිරීම වෙනුවෙන් සේවය කිරීමට සිදුවනු ඇත.

මාසික අවම වැටුප ඩොලර් 274 ක් ලෙස නියම කිරීම ද වෙනසට ලක්කරන ලද තවත් නීතියකි. එය පැවැති තත්ත්වයට වඩා 25% කට වඩා වැඩි වීමකි.

දෙවන සංශෝධනය වන්නේ අවම වැටුප 25% කින් එනම් ඩොලර් 274 ක් හෝ කටාරි රියාල් 1000 ක් දක්වා වැඩි කිරීමත්, සමාගම විසින් සපයනු නොලැබේ නම් ආහාර සඳහා අමතර QAR 300 ක් සහ නවාතැන් සඳහා QAR 500 ක් ද ඇතුළත් කිරීමය.

මෙම සංශෝධන සියලු ජාතින්හි සහ ගෘහ සේවිකාවන් ඇතුළු සියලුම අංශවල කම්කරුවන්ට අදාළ වේ.

2019 ඔක්තෝම්බර් මාසයේදී කටාර් එමීර්වරයා විසින් ප්‍රකාශයට පත් කරන ලද මෙම ප්‍රතිසංස්කරණ නීතියක් බවට පත්කරමින් අත්සන් කරන ලද්දේ පසුගිය ඉරිදා ය.

කටාර් රාජ්‍යය 2022 FIFA ලෝක කුසලානය සඳහා සත්කාරකත්වය සපයන අතර ගෝලීය ජනගහනයෙන් අඩකට වඩා වැඩි පිරිසක් නරඹන මෙම ක්‍රීඩා උළෙලට සමගාමීව, එම රාජ්‍යය සිය කම්කරු නීති වෙනස් කර තිබේ.

ඒ සංක්‍රමණික ශ්‍රමිකයන් සූරාකෑමට ලක් කරන බවට එම රාජ්‍ය වෙත චෝදනා එල්ලවීම හේතුවෙනි.