රෝහල්වල ඖෂධ හෝ ශල්ය උපකරණයන්ගේ කිසිදු හිගයක් නොමැති බව සදහන් කරමින් රජයේ ප්රවෘත්ති අධ්යක්ෂවරයා විසින් නිකුත් කර ඇති නිවේදනය සම්බන්ධයෙන් වෛද්යවරුන් දැඩිලෙස කලබලයට පත්ව ඇතැයි රෝහල් ආරංචි මාර්ග සඳහන්කරයි.
රෝහල්වල පවතින ඖෂධ සංචිතයන්ගේ ප්රමාණය නිවැරදිව දන්නේ සෞඛ්ය අමාත්යංශයද ප්රවෘත්ති දෙපාර්තමේන්තුවද යන්න පිලිබද ඔවුහු ප්රශ්නකරති.
සෞඛ්ය සේවා අධ්යක්ෂ ජනරාල්වරයා සහ සෞඛ්ය රාජ්ය අමාත්යංශයේ ලේකම්වරයා බැංකුගිණුම් විවෘතකරමින් ඔවුන්ගේ ලිපි ශීර්ෂයන් මගින් විදේශයන්ගේ සිටින පරිත්යාගශීලින්ගෙන් ඖෂධ හා ශල්ය උපකරණ ඉල්ලා සිටියදී ඒවායේ හිඟයක් නොමැති බව ප්රවෘත්ති අධ්යක්ෂ ජනරාල්වරයා කියා සිටින්නේ කෙසේද යන්න ගැටලුවක් බවද ඔවුහු පෙන්වාදෙති.
වෛද්යවරුන් බහුතරයක් කියාසිටින්නේ තෙල් ඇති තරම් තිබෙන බව රජයෙන් පුන පුනා ප්රකාශ කළද රටපුරා තෙල් පෝලිම්වල අඩුවක් දක්නට නොමැති බවයි.
ප්රවෘත්ති අධ්යක්ෂ ජෙනරාල්වරයාගේ අත්සනින් යුතුවනිකුත් කර තිබෙන ලිපිය හේතුවෙන් මේ වන විට මෙරටට ඖෂධ ආධාර සැපයීමට කැමැත් පල කල බොහෝ දෙනෙකු ඉන් ඉවත්වනු ඇතැයිද සදහන් කරයි
