ලලිත් චාමින්ද –
උරගහ පොලිස් බල ප්රදේශයට අයත් හිපන්කන්ද හතේ කනුව ප්රදේශයේ ඉන්ධන පිරවුම් හලක් අසලදී අද(14) රාත්රී පුද්ගලයෙකු වෙඩි තබා ඝාතනය කොට ඇති බැව් උරගහ පොලිසිය පවසයි.
මෙසේ ඝාතනය කොට ඇත්තේ 38 හැවිරිදි වියේ පසුවන පුද්ගලයෙකි.
මොහු ඉන්ධන පිරවුම්හල අසල ඔයිල් අලෙවි කිරීමේ නිරත අයකු බව විමර්ශනවලදී අනාවරණය වී ඇත. යතුරු පැදියකින් පැමිණි දෙදෙනෙකු විසින් මිලි මීටර් 9 වර්ගයේ පිස්තෝලයකින් මොහුට වෙඩි තබා ඇති බව පොලීසිය පවසයි.
මෙකී පුද්ගලයා ගංජා සුරුට්ටුවක් පානය කරමින් සිටියදී වෙඩි තැබීම සිදු කොට ඇති අතර ඔහු එම ස්ථානයේදීම මිය ගොස් ඇත.
ඝාතනයට ලක් වූ පුද්ගලයා පාතාල කල්ලි සාමාජිකයෙකු ගේ ගෝලයෙකු බවට විමර්ශනවලදී අනාවරණය වී ඇත. මත් කුඩු ජාවාරම සම්බන්ධයෙන් ඇතිවූ ආරවුලක් මත මෙකී ඝාතනය වී ඇති බවට පොලීසිය සැකකරයි.
උරගහ පොලිසිය වැඩිදුර පරීක්ෂණ පවත්වයි
