ආණ්ඩුවට එක්වනනේ නම් නිමල් සිරිපාල ද සිල්වාට සෞඛ්ය ඇමති ධුරයත්, ජාතික නිදහස් පෙරමුණේ උද්දික ප්රේමරත්නට සංස්කෘතික ඇමති ධුරයත් ලබා දීමට ආණ්ඩුව එකඟත්වය පල කර ඇතැයි වාර්තා වේ.
ලංකාදීප වාර්තා කරන්නේ මීට අමතරව ආණ්ඩුවෙන් ස්වාධීන වූ අනුර ප්රදර්ශන යාපා ,සුසිල් ප්රේමජයන්ත , ජගත් පුෂ්පකුමාර ,අසංක නවරත්න, ,ගාමිණී වලේබොඩ යන මන්ත්රීවරුන්ට ද ආණ්ඩුවට එක්වන ලෙස ඔවුන් වෙනුවෙන් ඉදිරිපත්වන පැකේජත් සමග ආණ්ඩුව පාර්ශවයෙන් ඉල්ලීම් කෙරී ඇතැයි බවය.
කෙසේ වෙතත් මේ වනවිට එම පිරිස් ආණ්ඩුවේ යෝජනා ප්රතික්ෂේප කර ඇති බව දැනගන්නට ඇත.
මින් පෙර ජාතික නිදහස් පෙරමුණේ නායක විමල් වීරවංශ මාධ්ය හමුවේ දී ප්රකාශ කළේ මේ මෙහෙයුම අතිශය නින්දාසගත බවත්, මේ පසුපස ඉන්නේ බැසිල් රාජපක්ෂ, ජොන්සටන් ප්රනාන්දු, මහින්දානන්ද අලුත්ගමගේ සහ රෝහිත අබේ ගුණවර්ධන යන හිටපු කැබිනට් ඇමතිවරුන් බවය.
ශාන්ත බණ්ඩාර ශ්රී ලංකා නිදහස් පක්ෂයෙන් ගැලවී ගයේ මේ මෙහෙයුමේ ප්රතිඵලයක් ලෙස බව එම මාධ්ය සාකච්ඡාවේ දී ශ්රී ලංකා නිදහස් පක්ෂ මහලේකම් දයාසිරි ජයසේකර කීවේය.
කෙසේ වෙතත් ශාන්ත බණ්ඩාර ආණ්ඩුවේ ඇමතිකමක් භාරගෙන රූපවාහිනී නාලිකාවක් සමග කෙටි සම්මුඛ සාකච්ඡාවකට එක්වෙමින් කීවේ ස්වාධීන වූ මන්ත්රීවරුන්ගෙන් පිරිසක් යළි ආණ්ඩුවට එක්වීමට නියමිත බවය.
