ඊසානදිග මෝසම ක්රමයෙන් ස්ථාපිත වෙමින් පවතින බවත් දිවයිනට දකුණු දෙසින් පහළ වායුගෝලයේ කැළඹිලි තත්ත්වයක් වර්ධනය වෙමින් ඇති බවත් කාලගුණ විද්යා දෙපාර්තමේන්තුව පවසයි.
මෙම පද්ධතියේ බලපෑම හේතුවෙන් දිවයිනේ දකුණු අර්ධයේ අහස වලාකුලින් බරය පවතින බව එම දෙපාර්තමේන්තුව කළ නිවේදයේ සඳහන් වේ.
නැගෙනහිර,මධ්යම සහ ඌව පළාත්වලත් මාතලේ , හම්බන්තොට සහ පොළොන්නරුව දිස්ත්රික්කවලත් විටින් විට වැසි ඇතිවන අතර මෙම ප්රදේශවල ඇතැම් ස්ථානවලට මිලිමීටර් 75 ට වැඩි තරමක තද වැසිද ඇතිවිය හැක.
උතුරු පළාතේ සහ අනුරාධපුර දිස්ත්රික්කයේ වැසි වාර කිහිපයක් ඇති වේ.
ගිගුරුම් සහිත වැසි සමග ඇතිවිය හැකි තාවකාලික තද සුළං වලින් සහ අකුණු මඟින් සිදු වන අනතුරු අවම කර ගැනීමට අවශ්ය පියවර ගන්නා ලෙස කාලගුණ විද්යා දෙපාර්තමේන්තුව ජනතාවගෙන් ඉල්ලා සිටී.
