ඉඳුනිල් කහටපිටිය –
-
රටේ ප්රධාන පුරවැසියෙක් වූ විප්ලවවාදී ආරක්ෂක බලකායේ ප්රධාන අණදෙන නිලධාරී ජෙනරාල් හොසේන් සලාමි, ඉහළම පෙළේ හමුදා නිලධාරියෙකු වන මේජර් ජෙනරාල් මොහොමඩ් බගෙරි, ප්රධාන න්යෂ්ටික බලාගාරයේ සේවය කරන න්යෂ්ඨික විද්යාඥයින් 06ක් ප්රහාරයෙන් මරුට…
ඊශ්රායලය ඉරානයට පෙර නොවූ විරූ ප්රහාර එල්ල කළේය. ප්රහාරය එල්ලවූයේ ඉරානයේ න්යෂ්ටික වැඩසටහන සහ ඉරාන හමුදා නායකයින් ඉලක්ක කර ගනිමිනි.
ප්රහාරයෙන් ඉරානයේ විප්ලවවාදී ආරක්ෂක බලකායේ ප්රධාන අණදෙන නිලධාරී ජෙනරාල් හොසේන් සලාමි මිය ගියේය. ඔහු රටේ බලවත්ම පුද්ගලයින් අතර සිටි ප්රබල චරිතයකි. එමෙන්ම ඉරානයේ ඉහළම පෙළේ හමුදා නිලධාරියෙකු වන මේජර් ජෙනරාල් මොහොමඩ් බගෙරි ද ඊශ්රයාල ප්රහාරයෙන් ඝාතනය විය.
බලවත්ම ව්යසනය වන්නේ නෙතන්හායු සිය ඉලක්කය කරගත් ඉරාන න්යෂ්ටික වැඩසටහනය. ඊශ්රයාල ජනාධිපති බෙන්ජමින් නෙතන්යාහූ කීවේ ඔපරේෂන් රයිසින් ලයන් මෙහෙයුමෙන් “ඉරානයේ බැලස්ටික් මිසයිල වැඩසටහනේ හදවත” ලෙස හැඳින්වෙන නටාස්හි ප්රධාන න්යෂ්ඨික වැඩසටහන් මධ්යස්ථානයට පහර දුන් බවය . නටාස්හි පිහිටියේ ඉරානයේ ප්රධාන න්යෂ්ටික බලාගාර සංකීර්ණය ය. ප්රහාරයෙන් වූ හානිය පිළිබඳ ඉරාන පරමාණුක බලශක්ති ඒජන්සිය පිළිගත්තේය. එම ප්රහාරයෙන් න්යෂ්ඨික විද්යාඥයෝ 06 දෙනෙක් මිය ගියහ. ඒ බව ඉරාන රාජ්ය අනුබද්ධ ටස්නිම් ප්රවෘත්ති ඒජන්සිය විසින් තහවුරු කර තිබිණි.
නටාස්හි ප්රධාන න්යෂ්ඨික බලාගාර සංකීර්ණය පිහිටන්නේ අගනුවර වන ටෙහෙරාන් සිට සැතපුම් 150 ක් දකුණිනි. එම භූමිය දැඩි ලෙස තර කර ආරක්ෂාව සහිතය. න්යෂ්ටික බලශක්තිය සඳහා යුරේනියම් බලගැනීමට භාවිතා කරන කේන්ද්රාපසාරීක දහස් ගණනක් එම බලශක්ති මධ්යස්ථානයේ පැවතිනි.
මෙම සංකීර්ණ මතුපිට සහ භූගත ලෙස විහිදුන පද්ධති සංකීර්ණයකින් යුක්තව පැවතිනි. ප්රහාරයෙන් හානි වූයේ මොනවාද යන්න තවම පැහැදිලි නැති බව විදෙස් මාධ්ය කියයි.
එක්සත් ජාතීන්ගේ න්යෂ්ටික නිරීක්ෂණ ආයතනයේ ප්රධානී රෆායෙල් ග්රෝසි පැවසුවේ ඉරාන බලධාරීන් නටාන්ස් “බලපෑමට” ලක් වූ බව තහවුරු කර ඇති නමුත් ඉහළ විකිරණ මට්ටම් නොමැතිබවට තහවුරු කර ඇති අයුරුය
එක්සත් ජාතීන්ගේ න්යෂ්ටික නිරීක්ෂණ ආයතනයේ ප්රධානීයා ජාත්යන්තර පරමාණුක බලශක්ති ඒජන්සියේ සාමාජිකයින්ට පැවසුවේ ඉරානයේ අනෙකුත් න්යෂ්ටික බලාගාර වන ඉස්ෆහාන් සහ ෆෝඩෝව් “බලපෑමට ලක් වී නොමැති” බවයි.
