ලොව ධනවත්ම පුද්ගලයා ලෙස පසුගිය කාලයේම වාර්තා පොත්වල්ට ඇතුලත්ව සිටි ඊලෝන් මස්ක් හට නොසිතූ අකරතැබ්බයකට මුහුණ දීමට සිදුව තිබේ.
ඒ මීට පෙර ඇමරිකානු ඩොලර් බිලියන 40කට අධික මුදලකට මිලදී ගත් ට්විටර් සමාගමේ ප්රධානියා ලෙස ඉවත්වන ලෙසට ජනතාව බල කිරීමත් සමගය.
මස්ක් ඊයේ සිය නිල ට්විටර් ගිණුමේ ඡන්දයක් පවත්වමින් විමසා සිටියේ තමන් ට්විටර් හී ප්රධානියා ලෙස කටයුතු කළයුතු යන්නයි.
එහිදී සියයට 57ක පිරිසක් මස්ක් හට පවසා ඇත්තෙ ඔහු ට්විටර් හී ප්රධානී ලෙස කටයුතු නොකළ යුතු බවයි.
මෙලෙස නොසිතූ ලෙස මස්ක් හට ජනතාව ලබා දුන් ප්රතිචාරයත් සමඟ ඔහු ඊට ඉතා සූක්ෂම උත්තරයක් ලබාදී තිබේ.
ඒ අනුව මස්ක් පවසා ඇත්තෙ ට්විටර් හී ප්රධාන විධායක නිලධාරී ලෙස කටයුතු කිරීමට සුදුසු තරම් මෝඩයකු සොයාගත් විගසම තමන් සුපුරුදු ලෙස මෘදුකාංග සහ සර්වර් වලට අදාල කටයුතුවලට අවධානය යොමුකරන බවයි.
