මනම්පිටිය නිමල් ජයරත්න –
වැලිකන්ද කාසන්වැව ප්රදේශයේදි අද ( 15 ) උදෑසන ඉසඩ්.ඩී. ඇලට වැටී අනතුරට පත්ව සිටි කෙනරක් වනජීවී නිළධාරීන් විසින් සිදුකල පැය තුනක මෙහෙයුමකින් පසුව ගොඩට ගෙන කාසන්වැව රක්ෂිතයට පලවා හැරිනි.
ආහාර හා ජලය සොයා සෝමාවතිය රක්ෂිතයේ සිට ගම්වැදුනු කෙනරක මෙලෙස අද අලුයම ඉසඩ්. ඩී. ඇලට වැටී අනතුරට පත්ව ඇති බව වැලිකන්ද වනජීවී නිළධාරීහු පැවසූහ.
ඉසඩ්. ඩී. ඇලට වැටී සිටි වන අලියා අඩි 8 ක් පමණ උසැති අවුරුදු 25ක් පමණ වයසකින් යුත් බව වනජීවී නිළධාරීන් සඳහන් කරයි.
කෙසේ නමුදු ඉසඩ්. ඩී. ඇලේ වෙනදා මෙන් ජලය පිරී නොපැවතුනු අතර වැලිකන්ද වනජීවී නිළධාරීන් හා සිවිල් ආරක්ෂක බලකායේ නිළධාරීන් එක්ව මෙම කෙනර ගොඩට ගැනීමේ මෙහෙයුමක් දියත් කළ අවස්ථා කිහිපයකදී එම උත්සාහය ව්යාර්ථ වුනි.
කෙනර ගොඩගැනීම සදහා පැය තුනක මෙහෙයුකමක් ක්රියාත්මක කිරීමට වැලිකන්ද වනජීවී නිලධාරීන්ට සිදුවූ අතර අවසානයේදී එම කෙනර විසින්ම ඉසඩ්. ඩී. ඇලේ කම්බි යොදා තැනූ පඩිපෙලකින් දැඩි පරිශ්රමයක් දරා ගොඩට පැමිණ කාසන්වැව රක්ෂිතයට පලා ගියේය.
