පාකිස්තානයේ හිටපු අග්රාමත්ය ඉම්රාන් ඛාන් නායකත්වය දරන පී.ටී.අයි පක්ෂය විසින් සංවිධානය කිරීමට නියමිත දැවැන්ත විරෝධතා පාගමන නැවැත්වීමට එරට හමුදාව යෙදවීමට අග්රාමත්ය ශෙබාස් ශරීෆ් තීරණය කර ඇත.
පාකිස්ථාන මාධ්ය වාර්තා කරන අන්දමට එරට අග්රාමත්යවරයා මෙම සතිය මුලදී පැවති සාකච්ඡාවක් අතරතුරදී මෙම තීරණය ගෙන තිබේ. මෙම සාකච්ඡාවට පාකිස්ථාන ආණ්ඩුව නියෝජනය කරනු ලබන ප්රබල දේශපාලඥයින් රැසක් එක්ව ඇති බවද අනාවරණය වේ.
බුද්ධ අංශ වාර්තා අනාවරණය කරන අන්දමට යම් ආකාරයකින් ඉම්රාන් ඛාන් සහ ඔහුගේ පක්ෂ සමාජිකයින් පාකිස්ථාන අගනුවරට ඇතුළු වීමට උත්සහ කළහොත් ඔවුන් නවතා දැමීමටත් විසුරුවා හැරීමටත් අවශ්ය කටයුතු සිදුකරන ලෙසට හමුදාවට උපදෙස් දී තිබේ.
මේ අතර පාකිස්ථාන අභ්යන්තර අමාත්යවරයා ප්රකාශ කර ඇත්තේ කැබිනට් මණ්ඩලය විසින් කිසිම අයුරකින් ඉම්රාන් ඛාන්ගේ පක්ෂයට ඉස්ලාබාද් නගරයට ඇතුලවීමට ඉඩ නොදීමට තීරණය කර ඇති බවයි.
එමෙන්ම ඉම්රාන් ඛාන් විසින් සිය පක්ෂ සමාජිකයින්ට ප්රකාශ කර ඇත්තේ මෙම පාගමන සාර්ථක කර ගැනීමට සියලුම දෙනා එක්ව කටයුතු කළයුතු බවයි. ඒ අනුව අවම වශයෙන් මෙම පාගමනට විසි දහසක පමණ පිරිසක් එක්ව කටයුතු කළයුතු බවද හෙතෙම ප්රකාශ කර ඇත.
පාකිස්ථාන ව්යස්ථානව අනුව එරට හමුදාව මහජන ආරක්ෂාවට තර්ජනයක් සහ පොදු දේපල වලට හානියක් සිදුවිය හැකි අවස්ථාවක එම තත්ත්වය පාලනය කිරීමට මැදිහත් වීමට හැකියාවක් පවතී.
