දිනසේන රතුගමගේ-
උතුරු මුහුදට පැමිණ බලහත්කාරයෙන් මසුන් මරණ ඉන්දීය ධීවරයින්ගෙන් තෝරා ගත් පිරිසකට ශ්රී ලංකා මුහුදේ මසුන් මැරීමට අවසර ලබා දීමට පියවර ගනිමින් සිටින බව යාපනය එක්සත් ධීවර සංගමය සඳහන් කරයි.
ඉන්දීය ධීවර රාජ්ය අමාත්ය එල්.මුරුගන් යාපනයේ සංචාරය කළ අවස්ථාවේදී රජයට මේ යෝජනාව ඉදිරි පත් කොට ඇති බවත් මේ සදහා සාධනීය පිළිතුරක් ශ්රී ලංකා රජයෙන් ඉන්දීය අමාත්යවරයා වෙත පල වී ඇති බවත් යාපනයේ එක්සත් ධීවර සංගමයේ සභාපති එස්.ජේසුරාසා ප්රකාශ කරයි.
ධීවර කටයුතු පිළිබද ඉන්දීය රාජ්ය අමාත්යවරයා එම යෝජනාව කෙලින්ම ජනාධිපතිවරයා වෙත යාපනයේදී ඉදිරිපත් කොට ඇති බවත් එම යෝජනාවට ඉන්දියාව සමග සාකච්ඡා කොට යම් සහනදායී ක්රමවේදයක් සලසා දීමට ජනාධිපතිවරයා එකඟ වී ඇති බවත් යාපනයේ ධීවර සංගමය කියා සිටියි.
ජනාධිපතිවරයාගේ නවදිල්ලි සංචාරයේදී මේ යෝජනාව සම්බන්ධයෙන් සාකච්ඡා කොට යම් තීරණයක් ගැනීමට නියමිතව ඇති බව පවසන යාපනය එක්සත් ධීවර සංගමය එවැනි යෝජනාවක් ක්රියාවට නැංවුවහොත් ඊට එරෙහිව උපරිම විරෝධතාවයක් දක්වන බවද වැඩිදුරටත් ප්රකාශ කොට ඇත.
