අධික උෂණත්වය හේතුවෙන් ඉන්දියාවේ සිදුවන මරණ සියයට 55කින් ඉහළ ගොස් ඇති බව ලැන්සෙට් වෛද්ය සඟරාවේ පළවු නවතම ලිපියකින් අනාවරණය වේ.
ඒ අනුව වර්ෂ 2000-2004 සහ 2017-2021 අතර කාලවලදී මෙලෙස ඉන්දියාවේ අධික උණුසම හේතුවෙන් මරණයට පත්වන පිරිස ඉහළ ගොස් ඇති බව අදාල සඟරාව සඳහන් කළේය.
තාපයට නිරාවරණය වීම නිසා 2021 දී ඉන්දියානුවන් හට ශ්රම පැය බිලියන 167.2 ක පාඩුවක් සිදු වූ බවද අදාල අධ්යයනය සඳහන් කළේය.
එය ඉන්දියාවේ රටේ දළ දේශීය නිෂ්පාදිතයෙන් 5.4% කට සමාන ආදායමක් අහිමි වීමට හේතු වූ බව එහි වැඩිදුරටත් සඳහන් වේ.
ඒ අනුව ඉන්දියාව මෑත වසරවලදී වඩ වඩාත් දැඩි උෂ්ණ තරංගවලට මුහුණ දී තිබේ. මේ අතර ඉන්දියාවේ බොහෝ ප්රදේශ ග්රීෂ්ම ඍතුවේ දී නිරන්තර තාප තරංග අත්විඳින අතර, විශේෂඥයන් පවසා ඇත්තේ මේවා අද වන විට වාඩා දිගු කාලයක්, තීව්ර සහ නිරන්තරයෙන් ඇති වෙමින් පවතින බවයි.
අඟහරුවාදා ප්රකාශයට පත් කරන ලද වාර්ෂික Lancet Countdown වාර්තාවේ – රටවල් 103 ක් දෙස බැලූ – පර්යේෂකයන් සොයාගෙන ඇත්තේ මාර්තු සහ අප්රේල් අතර ඉන්දියාවට සහ පකිස්ථානයට තාප තරංග වලින් බලපෑම් සිදුවීමට දේශගුණික විපර්යාස 30 ගුණයකින් හේතු වී ඇති බවයි.
“අධික උෂ්ණත්වයට නිරාවරණය වීම සෞඛ්යයට සෘජුවම බලපායි, හෘද වාහිනී සහ ශ්වසන රෝග වැනි තත්ත්වයන් උග්ර කරයි, සහ තාප ආඝාතය, අහිතකර ගැබ්ගැනීම්, දුර්වල මානසික සෞඛ්යය ආශ්රිත මරණ වැඩි වීමට හේතුවිය හැකිය” බව අදාල අධ්යයනය සඳහන් කළේය.
මෙම වසර මුලදී, එක්සත් රාජධානියේ කාලගුණ කාර්යාලය විසින් කරන ලද අධ්යයනයකින් හෙළි වූයේ දේශගුණික විපර්යාස වයඹදිග ඉන්දියාවේ සහ පකිස්ථානයේ වාර්තාගත තාප තරංග ඇති කිරීම 100 ගුණයකින් වැඩි කර ඇති බවයි.
දේශගුණික විපර්යාසයකින් තොරව එවැනි ආන්තික උෂ්ණත්වයක් ඇති වන්නේ වසර 312 කට වරක් පමණක් බවද එහි සඳහන් වේ.
පසුගිය දශක දෙක තුළ ගෝලීය වශයෙන් තාපය ආශ්රිත මරණ තුනෙන් දෙකකින් වැඩි වී ඇති බව ලැන්සෙට් වාර්තාව වැඩිදුරටත් පවසයි.
